De Vorsterman Bijbel

§ Dauids .lxi. Psalm, Om hooch te singen vooz Idethon. ⁺ § Nonne deo subiecta erit anima mea.

+ int heb. den lxij. Psalm

2

⁺EN sal mijn ziele nyet Gode onderdanich wesen, Want van hem coemt mijne salicheyt.

+ A

3

Want hi is mijn God ende mijn salicheyt, mijn ontfangher, daeromme en sal ick niet meer beroert worden

4

Hoe langhe ouerualt ghi den mensche, ende ghi alle slaet hem doot, als een hangende wandt, ende instucken gestooten muer?

5

Maer si dachten ^* minen loon) te verstooten ^* ick liep inden dorste) si gebenediden metten monde, maer van binnen metter hertten verma-

* th. zijn verheffinghe.

* th. lueghenen behagen hen.

[p. Ii6v]

leyden si,

6

⁺Maer mijn ziele, weest gode onderdanich, want mijn ^* lijdsaemheyt) is van hem.

+ B

* the. hope

7

Want hi selue is mijn God ende salichmaker mijn hulper, ick en sal niet ^* verhuysen)

* th. beroert worden

8

In God is mijn salicheyt, ende mijn eere ^* mijnder hulpen) ende mijn hope is in God.

* the. den steen mijnder stercten

9

Hopet in hem alle ghi verghaderinge der volcken, schuddet uwe herte voor hem wt, God is onse ^* hulpe inder eewicheyt.)

* theb. hope Sela.

10

Maer nochtans, zijn ydel die kinderen der menschen, Loghenachtich zijn die kinderen der menschen ^* in haer wagen, op dat si selue in ydelheyt, inder seluer manieren bedrieghen souden)

* theb. op de waghe zijn si lichtere dan ydelheyt

11

En wilt niet hopen in onrechtueerdicheit, Ende en wilt gheenen roof begheren, ⁺ ist dat v rijcdom toeuloeyt, ☞ en stelter v herte niet gheheel toe.

+ C

12

God heeft eens ghesproken, dese twee dinghen heb ick ghehoordt, Dat die machte behoort Gode toe,

13

ende HEERE, uwe is die bermherticheyt, Want ghi sult elckerlijck betalen naer zijn wercken.