De Vorsterman Bijbel

§ Dauids .lx. Psalm, Hooch te singhen, opter snarenspel. ⁺ § Exandi deus.

+ int heb. den lxi. Psalm

2

⁺GOd verhoort mijn bedinghe, ende aenmerct mijn ghebet.

+ A

3

Vanden eynden der aerden hebbe ick tot v gheroepen, als mijn herte, in benautheyt was, Ghi hebt mi verheuen, opten steen. Ghi hebt mi gheleyt,

4

want ghi zijt mijne toeuerlaet gheworden, Eenen stercken thoren voor mijnder vianden aensichte.

5

Ick sal inder eewicheyt, in uwe wooninghe woonen, ende sal beschermt worden, int decksel van uwen vloghelen.

6

Want ghi mijn God hebt verhoort mijn ^* gebet), ghi hebt erffenisse ghegheuen, den ghenen die uwen naem vreesen.

* th. gelofte

7

⁺Ghi sult toeworpen daghen, op des conincs daghen, ende zijn iaren van gheboorten tot gheboorten.

+ B

8

Hi blijft inder eewicheyt, in Gods aenscijn ^* Wie sal eysschen, zijn barmherticheyt, ende zijn waerheyt.)

* theb. bermherticheyt ende waerheyt bereydet, dat si hem behoeden

9

So sal ick uwen name eenen lofsanc seggen inder eewicheyt, op dat ick mijn ghelofte betalen soude, van daghe tot daghe.