De Vorsterman Bijbel

§ Dauids .lxix. Psalm. ⁺ Dauids gulden cleynoot, hooch te singen vander Lelien der getuigenisse te leeren doen hi street tegen Sirien tot Mesopotanien, ende tegen Sirien van Soba, doen Ioab wederkeerde ende sloech die Edomiten int soutdal twaelf duysent. ⁺ § Deus repulisti nos

+ int heb. den lx. Psalm.

+ ij.reg. viij. ende .x.

3

⁺GOd ghi ghebt ons verstooten ende verdoruen, ghi zijt gram gheweest, ende hebt onser ontfermt.

+ A

4

Ghi hebt die aerde beweecht ende gestoort heelt haer brueken, want si beweecht is.

5

Want ghi vercondet, uwen volcke, harde saken, Ghi drencket ons met ^* wijn des berouwes)

* the. bitteren wijn.

6

Ghi hebt een teeken ghegheuen, den ghenen die v vreesen, dat si souden ^* vlieden vanden aensichte des boghes,)

* the. opworpen inder waerheyt

7

Op dat uwe vrienden verlost souden worden, maect mi ghesont, met uwer rechter handt, ende verhoort mi.

8

God heeft ghesproken, in zijn heylige plaetse, ick sal mi verblijden, ende sal deelen Si-[kolom]chem, ende afmeten dat dal ^* der tabernakulen.)

* the. zucoth

9

⁺Galaad is mijn, mijn is Manasses, Ephraim is die machte mijns hoofts, ⁺ Iuda is mijn coninck.

+ B

+ Gene. xix.

10

Moab is die waschpot van mijnder hopen. Ick sal minen schoen wtstrecken teghen dat landt van Edom, Die ^* vremden) zijn mi onderdaen gheworden.

* th. philistinen

11

Wie sal mi leyden in die vaste stadt? wie sal mi gheleyden tot in Edom toe?

12

En sult ghijt neet doen Godt, Ghi die ons hebt verstooten, ⁺ ende ghi Godt en sult niet wtreysen in onse heyrcrachten.

+ C

13

Gheeft ons bistant inder noot, Want des menschen salicheyt, is ydel ende onnut.

14

In Godt sullen wi doen crachte, ende hi sal alle onse vianden te niet brenghen.