De Vorsterman Bijbel

§ Dauids .lviij. Psalm, Dauids gulden cleynoot, om dat hi niet en wert verdoruen, doen Saul sont ende liet zijn huys beroouen om hem te dooden. ⁺ § Eripe me de.

+ int heb. den lix. psalm.

2

⁺UErlost mi, mijn God, van minen vianden, ende beschut mi voor die ghene die teghen mi opstaen.

+ A

3

Verlost mi vanden quaetdoenders, ende behout mi vanden bloet dorstighen sondaren.

4

Want siet, si hebben mijn ziele ^* gheuanghen, die stercke oueruielen mi.)

* the. lagen geleet, en die sterke vergaderden teghen mi.

5

O HEERE noch die quaetheyt noch die sonde en heb ick, ^* sonder quaetheyt hebbe ict gheloopen ende beschict.)

* h. si loopen sonder mijn scult ende bereyden hen.

6

Staet op om mi te ghemoete te comen, ende siet toe, Ende ghi HEERE der heyrcrachten God van Israel. ⁺ Aendenct om te besoecken alle Heydenen, En zijt niemant ghenadich die quaet hanteert.

+ B

7

Des auonts sullen si bekeert worden, ende honghere lijden, ghelijck als die honden,

[p. Ii6r]

ende die stadt rontsomme ghaen.

8

Siet, si sullen spreken in haeren monde, tsweert is in haere lippen, want wie heuet ghehoort?

9

Maer ghi HEERE, sultse beghecken, ende ^* te niet brenghen) alle heydenen.

* the. bespotten

10

^* Mijn) stercte sal ick tot v bewaren, Want God, ghi zijt mijn ^* ontfangher.)

* thebr. zijn.

* th. bescherminghe

11

Mijn God, zijn barmherticheyt sal mi voorcomen

12

God heeft mi vertoont ouer mijne vianden. En dootse niet, op dat het mijn volck niet en verghete in gheender tijt. Verdrijftse in uwer macht, ende setse af, HEERE, mijn beschermer.

13

Die sonde haers monts, die reden haerder lippen, ende laetse begrepen worden in haer hoouaerdie, ⁺ Ende vander vloekinge ende logenen ^* sullen si zijn in die volbrenginge aenghebracht worden,

+ C

* h. verdoetse verdoetse in uwer gramscap dat si niet en zijn

14

in den toorne der volbrenghinghe, ende si en sullen niet wesen) Ende si sullen weten, dat God heerschapie sal hebben ouer Iacob, ende ouer die eynden des aertrijcs.

15

Des auonts sullen si ghekert worden, ende ^* hongher lijden) ghelijck als honden ende alomme die stadt ghaen.

* the. morren

16

⁺Si sullen verspreyt worden om te eten, ende ist dat si dan niet sat en worden, so sullen si murmureren.

+ D

17

Maer ick sal van uwer macht singhen, ende sal des morghens uwe bermherticheyt met lofsanck verheffen. Want ghi zijt mine ^* ontfanger) ende toeulucht geworden, inden dach van mijnder quellinghen.

* th. bescherminghe

18

Mijn hulper ick sal v een lof singhen Want ghi zijt God mijn ontfangher, mijn God, mijn barmherticheyt.