De Vorsterman Bijbel

§ Dauids .lvij. Psalm, ⁺ Dauids gulden cleynoot hooch te singhen, dat hi niet verdoruen en wert. § Si vere vtique.

+ int heb. den lviij. psal.

2

^+* ISt sekerlijck so dat ghi rechtuaerdicheyt spreket? Ghi kinderen der menschen, so oordeelt dan rechtuaerdelijcken.)

+ A

* th. en wilt ghi niet spreken dat recht is, ende oordeelen wat behoorlijc is ghi menschen kinderen.

3

Want inder herten doedy waerlijck, inder aerden onrechtuaerdelijck, ende uwe handen bedrijuen onrechtuaerdicheden.

4

Die ongodlijcke zijn veruremt van haers moeders lichaem aen, si doelden vanden buycke, si hebben valscheyt ghesproken.

5

Haer raserije is ghelijck nae eender slanghen, ghelijck die dooue adere die haer ooren toe stopt.

6

Dat si niet en soude hooren die stemme des tooueraers, des besweerders, die wel besweeren kan.

7

God ^* sal breken) haer tanden ontstucken in haeren mont, Die HEERE sal ontstucken breken die kaectanden der ^* leeuwen.)

* the. brac

* th. ionghe leeuwen

8

⁺Si sullen vergaen te nyete ghelijck watere dat wech vloeyt. ^* Hi heeft sinen boghe ghespannen tot dat si cranck worden.)

+ B

* h. si micken met haeren pilen, maer si missen.

9

^* Ghelijck vloeyende wasch sullen si wech worden ghenomen, het vyer isser op gheuallen, ende si en hebben die Sonne niet ghesien.)

* th. ghelijck een slecke versmachtet, gelijck een ontydige vrucht des wijfs, en sien si die zonne niet

10

Eermen uwe doornen mercte aenden doornen struycke, ghelijck die leuende so sal hijse in toornicheyt opsuypen.

11

Die rechtuaerdighe sal hem verblijden als hi sulcke wrake siet, ende sal zijn ^* handen) baden inder sondaren bloet.

* the. terdt.

12

Ende die mensche sal segghen, is den recetuaerdighen sekerlijck vruchte, so is sekerlijck God diese oordeelt int aertrijck.