De Vorsterman Bijbel

§ Dauids .lvi. Psalm Dauids gulden cleynoot hooch te singhen, om dat hi niet verdoruen en was, doen hi voor Saul vloot in die speluncke. ⁺ § Miserere mei Deus.

+ int heb. den lvij. psal.

2

⁺SIit mi ghenadich God, Sijt mi ghenadich, want op v betrout mijn ziele. En onder die schaduwe uwer vloghelen sal ick hopen, tot dat die schalcheyt voorbi gae.

+ A

3

Ick sal roepen tot God den alderhoochsten, tot God die mi wel ghedaen heeft.

4

Hi seynde vanden hemel ende verloste mi, hi ghaf tot eenen verwijte die mi vertreden. God seynde zijn barmherticheyt ende waerheyt,

5

^* hi heeft verlost mijn ziele wten middel der welpen der leeuwen, ick sliep verscrict zijnde. Der kinderen der menschen) tanden zijn wapenen ende pijlen, ende haer tonghe is een scherp swaert.

* th. Ick ligge met mijnder zielen onder die leeuwen der menschen kinderen zijn vlammen, haer

6

God verheft v bouen die hemelen, ende uwe eere ouer alle dat aertrijck.

7

Si hebben minen voeten ^* stricken) bereyt ende mijn ziele nederghedruct. ⁺ Si hebben voor mijn aensichte eenen cuyl ghegrauen, ende si zijnder selue ingheuallen.

* the. netten

+ B

8

Mijn herte is bereyt, God mijn herte is bereyt, Ick sal singhen, ende God den HEERE eenen lofsanck segghen.

9

Staet op mijn eere, ende staet op psalter ende harpe, vroech in die dagheraet sal ick verrijsen.

10

HEERE ick sal v belijden onder die volcken, ende ick sal v eenen lofsanck segghen onder die luyden.

11

Want uwe barmherticheyt is groot tot aenden hemel, ende uwe waerheyt tot die wolcken.

12

Verheft v God bouen die heme-[kolom]len, ende uwe eere si ouer alle dat aertrijck.