De Vorsterman Bijbel

§ Dauids li ij. Psalm, Dauids onderwijsinghe hooch te singhen opter snaren spel ⁺ § Exandi deus orationem.

+ int heb. den lv. psalm

2

⁺GOd verhoort mijn ghebet, ende en versmaet niet mijn bedinghe,

+ A

3

merct op mi, ende verhoort mi. Ick ben bedroeft in mijnder oeffeninghe, ende verbaest

4

van die stemme des viants ende quellinghe des sondaers. Want si hebben teghen mi ghekeert boosheden, ende inder gramscap zijn si mi ouerlast geweest.

5

Mijn herte is verbaest in mi, ende des doots vreese is op mi gheuallen.

6

Vreese ende beuinghe is ouer mi ghecomen, ende die duysternissen hebben mi bedect.

7

Ende ic seyde wie sal mi geuen ^* vederen) gelijck den duyfkens, ende ick soude vliegen ende rusten

* th. vloghelen.

8

⁺Siet ick ben al vlieghende verre ghereyst ende bleef woonende in een eenighe woestijne.

+ B

9

^* Ick verwachte den ghenen die mi ghesont heeft ghemaect, van cleynmoedicheyt des gheests, ende van onweder.)

* the. ende ick sal haesten te ontloopen den groten wint, ende dat onwedere.

10

HERE worptse haestelijken neder, ende splijt haer tonghen, Want ick sach onrechtuaerdicheyt, ende teghensprekinghe in die ^* stadt.) [kolom]

* the. vesten

11

Dach ende nacht salse omuanghen die boosheyt, ende te midden in haer is arbeyt ende onrechtuaerdicheyt.

12

Ende van haeren straten en heeft niet ghebroken woecker noch bedroch.

13

Want waert dat mijn viant mi veruloect hadde, dat soude ick sekerlijc gheleden hebben Ende oft die mi haetede goede dinghen van mi gheseyt hadde, ick soude mi messchien van hem verborghen hebben.

14

Maer ghi zijt een mensche van eenen moede mijn leytsman ende mijn bekende.

15

⁺Die met mi te samen spijse nuttede die soet was, wi hebben inden huyse Gods met eendrachticheyt gewandelt.

+ C

16

De doot come ouer die, ende si moeten leuende in die helle dalen. Want boosheyt is int middel van hen in haer wooninghen.

17

Maer ick heb tot God gheroepen, ende die HEERE sal mi behouden.

18

Des auonts, des morghens ende des middaechs sal ict ^* vertellen ende bootschapen,) ende hi sal mijn stemme hooren.

* th. claghen ende huylen.

19

Hi sal mijn ziele in vrede verlossen van die gene die mi ghenaken, want si waren onder veel teghen mi.

20

God salt verhooren, ende vernederense, die is voor der werelt tijden. Want si en hebben gheen veranderinghe, ende si en hebben God niet gheureest,

21

si hebben haer handen wtghestrect ^* in betalinghe. Si hebben besmet zijn verbont,

* the. aen die vreetsame ende ontheylichden zijn verbont.

22

si zijn verstroeyt vander gramscapen zijns aensichts ende zijn herte is ghenaect. ⁺ Sijn redenen zijn morwer gheworden dan olye, ende si zijn gheschutten.)

+ Haeren mont is sachter dan boter, ende hebben strijt inden sin.

23

Worpt uwe sorghe inden HEERE, die sal v besorghen, ende hi en sal den rechtuaerdighen niet geuen inder eewicheyt onuolstandighe twijfelinghe.

24

Maer God ghi sultse leyden inden put des verderuens. Die bloedighe sondaers ende bedrieghers en sullen haer leuen niet brenghen ter helft, maer HEERE ick sal in v hopen.