De Vorsterman Bijbel

§ Dauids .liij. psalm, Een onderwijsinghe hooch te singen opter snaren spel, doen die van Siph quamen, ende seyden tot Saul, en is Dauid niet bi ons verborghen. ⁺ § Deus in.

+ int heb. den liiij. psalm

3

^* MAect mi ghesont) O God in uwen naem ende oordeelt mi in uwe machticheyt.

* the. helpt mi.

4

⁺God verhoort mijn ghebet, verneemt die woorden mijns monts met uwen ooren.

+ A

5

Want vremde zijn teghen mi opghestaen, ende die stercke hebben mijn ziele ghesocht, ende si en hebben God niet voor haer aenschijn gheset.

6

⁺Want siet God helpet mi, ende die HEERE is een ontfangher mijnder zielen.

+ B

7

Keert van mi dat quaet tot minen vianden waert, verspreytse in uwer waerheyt.

8

Ick sal v willichlijck offerande doen, ende sal ^* belijden) uwen name, want hi goet is.

* th. dancken.

9

Want ghi hebt mi verlost wt allen drucke, ende mijn ooghe heeft ouer alle mijn vianden versmadet.