De Vorsterman Bijbel

§ Dauids .lij. Psalm, Een onderwijsinghe ouer die erffenisse hooch te singhen. ⁺ § Dixit insipiens.

+ int heb. den liij. Psalm

1

⁺DIe onwijse dacht, segghende in zijn herte, daer en is gheen God,

+ A

2

Si zijn vergaen, ende gruwelijck gheworden in haer boosheyt, daer en is gheene die goet doet.

3

God aenscouwede vanden hemel opter menschen kinderen, Dat hi sien soude, ofter yemant verstandich waer, oft God sochte.

4

Maer si waren alle afgheweken, ende tsamen zijn si onnut geworden, daer en is niemant die goet doet, niemant en isser, oock niet eene.

[p. Ii5r]

5

⁺Sullen zijt niet alle bekennen die quaet doen die mijn volc verslinden als een spijse broots

+ B

6

Si en hebben God niet aengheroepen, ende si hebben ghinder van vreese ghebeeft, daer niet te vreesen en was. Want God heeft verstroeyt die ghebeenten vanden ghenen die die menschen ^* behaghen,) si zijn beschaemt, want God heeftse versmaet

* th. drijuen

7

Wie sal Israel behoudenisse wt Sion gheuen? als die HEREE die gheuanghenisse zijns volcs afneemt, so sal hem Iacob verblijden, ende Israel vrolijck zijn.