De Vorsterman Bijbel

§ Dauids li psal. Een onderwijsinge hooch te singhen doen Doech die Edomite quam, ende ghaf Saul te kennen, ende seyde Dauid is in Ahimelechs huyse gecomen. ⁺ § Quid gloriaris.

+ int heb. den lij. Psalm.

3

^+* WAt glorieerdy beroemende in quaetheyt? Ghi die machtich zijt inder boosheyt.)

+ A

* th. Wat beroemdy v der boosheyt ghi machtighe, die barmherticheyt godes is hier doch dagelijcs.

4

Alle den gheheelen dach heeft v tonghe ouerdacht onrechtuaerdicheyt, gelijck een scherp schaers hebdy bedroch ghedaen.

5

Ghi hebt bemint die quaetheyt bouen die goedertierenheyt, ende meer bemint onrecht te spreken dan dat oprecht is.

6

Ghi hebt liefghehadt alle die haestighe nederstortende woorden in bedriechlijke tongen

7

Daerom sal v God verderuen in dat eynde ende sal v wttrecken, ende doen v verhuysen wt v wooninghe, ende uwe wortel wt die aerde der leuendigher.

8

Ende die gherechtighe sullent sien ende vreesen, ende sullen ouer hem lachen, ende segghen,

9

siet, dit is die man, die God niet en stelde sinen hulper, maer verliet hem op sine menichte der rijcdommen, ende was machtich in zijnder ^* ydelheyt.)

* theb. onduecht.

10

Maer ick ghelijck eenen groenen vruchtdraghende Olijfboom, inden huyse Gods, ⁺ ick heb ghehoept in Gods barmherticheyt altijt ende eewelijc.

+ B

11

Ic sal v eewelijc ^* belijden) want ghijt hebt ghedaen, ende sal uwen naem verwachten want hi goet is int aenschijn van uwen heylighen.

* the. dancken.