De Vorsterman Bijbel

§ Dauids .xlviij. Psalm, der kinderen Chore, om hooch te singhen. ⁺ § Audite hec omnes gentes.

+ int heb. den xlix. psal.

2

⁺HOort toe alle volcken tot dese dinghen, ontfanghet met den ooren alle die ^* dat aertrijck bewoonen.)

+ A

* th. in deser tijt leuen

3

Alle die wter aerden gheboren zijt, ende kinderen der menschen beyde te samen rijck ende arm.

4

Minen mont sal wijsheyt spreken, ende mijn herte sal ouerdencken voorsienicheyt.

5

Ic sal mijn oore tot ghelijckenisse buyghen, ende mijn ^* woorden opdoen inden psalter.)

* th. raetsel opter herpen voorlegghen.

6

Waeromme soude ick vreesen inden quaden dach, als die misdaet mijnder vreesen sal mi omuanghen?

7

⁺Die in haer eyghen crachten betrouwen, ende beroemen hoouaerdelijken in die menichfuldicheyt haerder rijcdommen.

+ B

8

Die broeder en verlost niet, sal die mensche verlossen? hi en sal God niet gheuen zijn versoeninghe.

9

^* Ende den lofprijs der verlossinghe zijnder zielen, hi sal arbeyden inder eewicheyt,

* th. want tis costelijc hare ziele te verlossen dattet moet achter blijuen eewelijck, Al ist dat hi ooc lange leeft ende den gracht niet en siet want men sal sien dat alsulcke wijse alle steruen also wel als die sotten ende die dwase vergaen.

10

ende sal noch leuen ten eynde toe.

11

Hi en sal niet sien den doot, als hi die wijse siet steruen, die onwijse ende sotte sullen te samen vergaen.) Ende si sullen den vremden haer rijcdom laten, ende haer grauen zijn haer huysen inder eewicheyt.

12

Haer wooninghen zijn van gheslachte tot gheslachte blijuende, si hebben haer namen op der aerden ghenoemt.

13

^+* Ende die mensche als hi inder eeren was, en heues niet verstaen,) Hi is gheleken den onwijsen beesten, ende is hen ghelijck gheworden.

+ C

* the. Maer die mensce en blijft niet in alsulke weerdicheyt.

14

Desen haeren wech is haer ^* een valsche schandalizatie, naemaels sullen si in haeren mont behaghen hebben.)

* th. sotheyt ende haer nacomelingen prisent met haren monde

15

Si zijn inder hellen als schapen ghestelt, die doot salse ^* afweyden) ende die rechtuaerdighe sullen ouer hen vroech heerschappie hebben, ende haer hulpe sal verouden ^* in die helle van haerder glorie.)

* th. knagen

* th. die helle is haer woninge.

16

Maer God sal mijn ziele verlossen wt die hant der hellen, als hi mi ontfangt.

17

En vreest niet als die mensche rijck gheworden is, ende die heerlicheyt zijns huys vermenichfuldicht wort.

18

Want hi en sal des gheen in sinen steruen mede nemen, ende sine heerlicheyt en sal met hem niet neder dalen. [kolom]

19

^+* Want zijn ziele sal in zijn leuen ghebenedijt worden,) Hi sal v belijden met dancke, als ghi hem voldoet.

+ D

* th. Hi loeft zijn ziele om dit leuen.

20

^* Hi sal ingaen) totten gheslachten zijnder vaderen, ende en ^* sal) inder eewicheyt gheen licht sien.

* the. Ghi sult comen.

* th. sullen

21

Die mensche als hi inder waerdicheyt was en verstont niet, hi is den onwijsen beesten gheleken, ende dien ghelijck gheworden.