De Vorsterman Bijbel

§ Dauids .xlvij. Psalm, ⁺ Een liedeken der kinderen Chore. § Magnus Dominus et laudabilis.

+ int. heb. den xlviij. psal

2

⁺GRoot is die HEERE, ende zeer weerdich te louen in die stadt ons Gods op sinen heylighen berch.

+ A

3

Den berch van Syon wort gefundeert met blijschap van gheheel aertrijck, die siden van noorden zijn een stat des grooten conincs,

4

God sal in hueren palleysen bekent worden, als hise sal ^* ontfangen) hebben.

* th. beschut

5

Want siet die coninghen zijn vergadert, ende tsamen bi een ghecomen.

6

Si hebben hen verwondert doen si dit sagen, si hebben beroert, ende zijn verbaest geworden,

7

die beuinghe heeftse beuanghen. Daer zijn smerten geweest als eender vrouwen die in arbeyt gaet.

8

⁺Door eenen haestigen wint suldi intstucken stooten die scepen van Tharsen.

+ B

9

Alsoo wi ghehoort hebben, soo saghen wijt inder stadt des HEEREN der heyrcrachten in die stadt ons Gods, die HERE heeftse gefundeert inder eewicheyt.

10

God wi ^* ontfangen) uwe barmherticheyt int midden van uwen tempel.

* the. hebben verwacht.

11

God ghelijck uwen name, soo is oock uwe lof totten eynde der werelt toe, Vwe rechter hant is vol rechtueerdicheyts.

12

Den berch Syon verblide hem, ende die dochteren Iuda moeten vrolijck zijn, om uwer oordeelen wille.

13

Omgaet Syon rontsomme, ende omuanctse, vertellet in haere torens.

14

Settet uwe herten ^* in huer crachten,) ende ^* deelt huer huysen) datment int ander gheslachte mach vertellen.

* thebr. aen huer mueren

* th. verheft haere pallays

15

Want dit is onse God van tijde tot int eyn-

[p. Ii4r]

de der werelt, hi sal ons inder eewicheyt regeren.