De Vorsterman Bijbel

§ Dauids .xlvi. Psalm der kinderen Chore, hooch te singen. § Omnes gentes plaudite. ⁺

+ int. heb. den xlvij. psal.

2

⁺LOuet Godt metten handen, alle volcken, ende roept blijdelijc Gode met een vrolijcke stemme der blijschappen. [kolom]

+ A

3

Want die HEERE die alderhoochste, is veruaerlijck, Een groote coninck op dat geheele aertrijck.

4

Hi heeft ons die volcken onderdanich ghemaect, ende luyden onder onse voeten.

5

Hi heeft ons vercoren tot sinen erfdeel, die heerlike gedaente Iacob dien hi beminnet.

6

God is opgeuaren met vroliken sange, Ende die HEERE met een stemme der basoenen.

7

⁺Singt lof onsen Gode, singet lof, singt lof onsen coninc, singt lof.

+ B

8

Want God coninck is van alle aertrijc, daeromme singet lof wijseliken.

9

God sal regneren ouer die heydenen, Godt sittet op sinen heyligen stoel.

10

Die princen der volcken zijn vergadert tot den Gode Abraham, want ^* die stercke Goden der aerden zijn te zeer verheuen.)

* the. god is zeer verheuen bijden heeren opter aerden