De Vorsterman Bijbel

§ Dauids .xl. Psalm. § Om hooch te singhen. ⁺ § Beatus qui intelligit super egenum.

+ int heb. den xli. psalm.

2

⁺SAlich is hi die ^* verstaet) op ^* den behoeuenden ende) den armen, Dien sal die HERE verlossen inden boosen dach.

+ A

* the. achtet

* ten is niet int hebree.

3

Die HEERE sal hem verwaren ende leuende maken, ende salich maken opter aerden, ende en leueren hem niet zijnder vianden wille.

4

Die HEERE brenghe hem hulpe, op dat bedde zijns droefheden, zijn geheele slaepcamer ommekeerde ghi in zijnder crancheyt.

5

Ick sprack, HEERE zijt mi genadich, geneset mijn ziele, want ick heb aen v gesondicht

6

Mijn vianden spraken quaet tegen mi, Wanneer sal hi steruen, ende sinen naem verghaen?

7

Al wast dat hi in quam, dat hi soude sien, so sprack hi ydel woorden, ende zijn herte vergaderde hem boosheyt, hi ghinc buyten wt ende sprack tselue te samen.

8

Alle mijn vianden oorbliesen tesamen tegen mi, ⁺ ende dachten quaet teghen mi.

+ B

9

Si hebben een quaet woort tegen mi geset, Sal hi die slaept noch toedoen, dat hi wederom opstae?

10

Want ooc die man mijns vredes, daer ic in hoepte die mijn brooden adt, die heeft ^* zijn ondertredinghe groot ghemaect ouer mi.)

* theb. sinen voetstep verheuen.

11

Maer HEERE, zijt ghi mi ghenadich, ende verwect mi, ende ick salt hen betalen.

12

Daer bi mercke ick, dat ghi mi hebben wilt want mijn viant en sal ouer mi niet verbliden

13

⁺Maer mi hebt ghi, om mijnder onnoselheit wille onthouden, ende hebt mi gestelt voor uwe aensichte eewelijck.

+ C

14

Ghebenedijt si God die HEERE vander eewicheyt tot inder eewicheyt, Dat geschiede alsoo, dat gheschiede alsoo.