De Vorsterman Bijbel

§ Dauids .xli. Psalm. § Een onderwisinge Chore, ⁺ Hooch te singhen. ⁺ § Quemadmodum desiderat.

+ Vanden kinder Chore ij.par. xxvi

+ int heb. den xlij. Psal.

2

GHelijck dat Herte ^* begheerte heeft) tot die waterfonteynen, So heeft mijn ziele begheert, God tot v.

* theb. roept van begeerten.

3

Mijn ziele heeft dorst gehadt tot God ^* de leuende fonteyne) wanneer sal ick comen, ende openbaren voor Gods aenschijn?

* the. den leuenden god

4

⁺Mijn tranen zijn mijn broot dach ende nacht geweest, alsmen tot mi alle daghen bisondere seyt, Waer is uwe God?

+ A

5

Dit heb ic ouerdacht, ende storte mijn ziele wt tegen mi, want ic sal voorbi gaen in die stede des wonderlijcken wooninghe totten huyse [kolom] Gods, in die stemme des verhueghens, ende belijdens is dat gheluyt des brassens ende houerens.

6

⁺Waerom sidy bedroeft, mijn ziele, ende waerom maect ghi mi verbaest, hoept in Godt, ic sal hem noch beliden, die salicheit ^* mijns) aensichts

+ B

* theb. zijns

7

^* is mijn God. Mijn ziele is bedroeft tot mi seluen) daerom sal ic ws gedencken vander aerden der Iordane, ende Hermonim aenden cleynen berge. ⁺

* theb. mijn God, mijn ziele is in mi bedroeuet

+ Hermon is een berch ouer die Iordane oostwaert

8

Den eenen afgront roept aen, den anderen afgront, in dat geruysche van uwen sluysen alle uwe Waterwaghen, ende Baren, zijn ouer mi ghegaen.

9

Die HEERE heeft des daechs zijn barmherticheyt beuolen, ende snachts sinen sanck bi mi, dat ghebet tot God mijns leuens.

10

⁺Ic sal seggen tot God, ^* ghi zijt mijn ontfangher) Waerom hebt ghi mijns vergheten, waeromme gha ick droeuich voort, als mi mijn viant verdruct?

+ C

* the. mijnen steen

11

Als mijn beenderen worden gebroken verwiten si mi, mijn vianden die mi quellen. Als si tot mi spreken door alle dagen, waer is uwe God?

12

Waerom sidy droeuich, mijn ziele? ende waerom maect ghi mi verbaest? Hopet in God, want ick sal hem noch beliden die salicheyt mijns aensichts, is mijn God.