De Vorsterman Bijbel

§ Dauids .xxxviij. Psal Om hooch te singen. ⁺ § Dixi custo.

+ int heb. den xxxix. psal.

2

⁺ICk sprac ic sal mijn weghen verwaren, op dat ic niet en sondige met mijnder tongen Ick sette minen monde ^* een bewaringe) als de sondaer teghen mi stont.

+ A

* heb. eenen breydel

3

Ick ben stom ende vernedert gheworden, ende swigende vanden goede, ende mijn pine is vernieuwet.

4

Mijn herte is verwermt in mi, ende in mijnen ouerdencken wert dat vier bernende.

5

Ic hebbe gesproken door mijn tonge, HEERE, maect mi mijn eynde bekent, ende dat getal mijnder dagen, op dat ic mach bekennen wat mi ghebreect.

6

⁺Siet, ghi hebt mijn daghen ^* om te meten) gestelt, ende ^* mijne substancie) wesen, is als niet voor v, Nochtans zijn alle dingen ydelheyt, alle leuende mensche.

+ B

* the. een hant breet

* the. mijns tijts

7

Ia, elck mensche gaet voorbi gelijc een beelt ende wort te vergheefs gestort, hi vergadert scatten, ende weet niet, wien hijt vergaderen sal.

8

Ende nv wat is mine verbeydinge, ist niet die HEERE? ^* ende mijn wesen is bi v.)

* ten is niet int hebree.

9

Verlost mi van allen mijnen boosheyden, ^* ghi hebt mi den onwisen tot eenen verwijt ghegheuen.)

* th. en gheuetmi niet tot eenen verwijte

10

Ic ben stom gheworden, ende en dede mijnen mont niet open, ⁺ Want ghi hebbet ghdaen

+ C

11

doet van mi wech uwe plaghen.

12

Vander ^* stercheyt) uwer hant ben ic gebreckelic gheworden in die berispinghe, om der onrechtuaerdicheyt hebdy den mensch ghestraft, ende doet verteeren zijn ziele ghelijck een spinne, nochtans worden allen menschen ydelijck verstoort.

* the. vreese

13

Verhoort mijn ghebet HEERE, ende verneemt mijn bedinghe met uwe ooren, ende en swiget niet tot mine tranen, Want ic ben een vremdelinck bi v, ende een pelghrim, ghelijck alle mine vaders.

14

Laet mi los dat ic vercoelt worde eer ic wech ga, ende ick en sal voortaen niet meer wesen.