De Vorsterman Bijbel (ca. 1528-1531)

De Vorsterman Bijbel

(ca. 1528-1531)–Anoniem Vorsterman Bijbel– rechtenstatus

Auteursrechtvrij

Vorige Volgende



§ Dauids .xxxiij Psalm. Doen hi zijn gelate verstelde voor Abimelech, die hem van hem dreef, ende hi wech ginck. Ga naar margenoot+ § Benedicam dominum in omni tempore.
2 Ga naar margenoot+ICk sal den HEERE ghebenedijen in alle tijt, Sijnen lof is altoos in mijnen monde.
3 Mijn siele sal inden HERE gelouet worden laet dat die sachtmoedighe hooren ende hen verblijden.
4 Prijset grootelijc met mi den HEERE, ende laet ons sinen name met malcanderen verheffen.
5 Ic heb den HERE ghesocht ende hi verhoorde mi, ende verloste mi wt alle mijnder Ga naar margenoot* quellinghen).
6 Ga naar margenoot+Gaet tot hem ende wort verlicht, ende uwe
[pagina Hh8v]
aensichten en sullen niet bescaemt worden.
7 Dese arme riep ende die HERE verhoorde hem ende behielt hem wt alle sinen druck.
8 Die engel des HEREN sal zijn rontsom die ghene die hem vreesen, ende salse verlossen.
9 Smaect ende siet want die HERE is soete, salich is die man die in hem hoept.
10 Vreest den HERE ghi alle sine heyligen, want die hem vreesen en hebben gheen gebreck.
11 Die Ga naar margenoot* rijcke) hebben behoeft ende ghehongert, maer die den HERE soecken en sullen niet vermindert worden aen eenich goet.
12 Coemt herwaerts kinderen, hoort mi, Ic sal v die vreese des HEREN leeren.
13 Wie is die mensche die wil leuen? ende bemint goede daghen te sien.
14 Verbiet uwe tonghe vant quaet, ende uwe lippen dat si geen bedroch en spreken.
15 Keert vanden quade ende doet het goet, soect vrede ende gaet daer na volherdelick.
16 Ga naar margenoot+Die oogen des HEREN sien op die gerechtige, ende zijn ooren zijn in haer Ga naar margenoot* ghebeden)
17 Maer dat aensicht des HEREN staet ouer die, die quaet doen, op dat hi haer gedachtenisse wtroeye vanden lande.
18 Die gerechtige hebben gheroepen, ende die HERE verhoordese, ende verlostese wt alle haeren drucke.
19 Die HEERE is bi die gheene die bedruckt van herten zijn, ende die eenen ootmoedigen geest hebben sal hi gesont maken.
20 Ga naar margenoot+Veel drucs hebben die rechtuaerdige, maer die HERE salse wt allen dien verlossen
21 Die HERE bewaert alle haer ghebeenten dat dier niet een gebroken en sal worden.
22 Ga naar margenoot* Die doot der sondaren en is die alderquaetste) ende die den rechtuaerdigen haten, dye misdoen.
23 Die HERE sal verlossen die sielen zijnder knechten, ende alle die in hem hoepen, en sullen niet misdoen.	margenoot+ int heb. den xxxiiij. psal. margenoot+ A margenoot* th. vreese margenoot+ B margenoot* th. leeuwen. margenoot+ C margenoot* th. roepen margenoot+ D margenoot* the. tquaet sal den ongodliken dooden.

Vorige Volgende