De Vorsterman Bijbel

§ Dauids .xxviij. Psalm ⁺ § Afferte Domino filij dei.

+ int heb. den xxix. psalm

1

⁺GHy kinderen Gods brenget totten HERE, brenghet totten HERE kinderen vanden rammen.

+ A

2

Brenghet totten HEERE glorie ende eere, brenghet tot sinen naem glorie, Aenbidt den HERE in zijn heylige plaetse.

3

Die stemme des HEREN gaet op die wateren, die God der maiesteyt heeft ghedondert, dye HERE op veel wateren.

4

Die stemme des HEREN gaet met machte, die stemme des HEREN gaet in groot machticheyt.

5

Die stemme des HEREN brekende die cederboomen, ⁺ ende die HERE sal breken die cederboomen van Libano.

+ B

6

Ende hi salse ^* ontwee wriuen) ghelijck een calf van Libano, ende ^* die liefste) als kinderen des eenhorens.

* th. doen wt springen.

* th. syrion

7

Die stemme des HEREN doorsnidende in onderscheyt, die vlamme des viers.

8

Die stemme des HEREN slaende die woestine, Die HERE sal berueren dye woestine Kades.

9

⁺Die stemme des HEREN bereydende die hinden, ende hi sal openbaren die wilde plaetsen ende in sinen tempel sullen alle menschen eere seggen,

+ C

10

Die HERE doet inwoonen die diluuie, ende die HERE sal sitten een coninc inder eewicheyt

11

Die HEERE sal zijn volc cracht gheuen, die HERE sal zijn volc gebenedien met vrede.