De Vorsterman Bijbel

§ Dauids .xxix. Psalm Vander wijdinghe des huys Da-

[p. Hh7v]

uids. ⁺ § Exaltabo te domine

+ int heb. den xxx. psalm.

2

⁺ICk sal v verheffen HEERE, want ghy hebt mi ^* ontfanghen) ende ghi en hebt mijn vianden niet ouer mi verblijt in wellusten

+ A

* the. opgheheuen.

3

HERE mijn God, ic heb gheroepen tot v, ende ghi maecte mi gesont.

4

HEERE, ghy hebt mijn siele wter hellen gheleyt, ghi hebt mi behouden vanden ghenen die neder daelden inden cuyle.

5

Alle ghi heyligen singet den HERE lof, ende belijt tot een ghedachtenis zijnder heylicheyt

6

Want ^* gramschap is in zijn onuerwaerdicheyt) ende het leuen is in sinen wille. ⁺ Dat weenen sal dueren tot den auondt toe, ende die blijschap totten morghen toe.

* th. zijn gramscap is snel

+ B

7

Want ik sprack doent mi wel ghinck, Ic en sal inder eewicheyt niet beroert worden.

8

HEERE in uwen wille hebdi minen ^* cieraet) stercheyt gegheuen, want ghy hebt v aensichte van mi afgekeert, ende ic ben verscrict gheworden.

* th. berch

9

HEERE ick sal tot v roepen, ende tot mijnen God sal ic bidden.

10

Wat isser orboors in minen bloede, ⁺ als ic inde verganclike vuylheit soude nederdalen? Sal dat stof v ooc ^* belijden) oft uwe waerheyt vercondighen?

+ C

* th. louen

11

Die HERE heuet ghehoort ende ontfermde hem ouer mi, ende die HERE is mijn hulper gheworden.

12

Ghi hebt mi mijne kermen verandert in vruechden, ghi hebt minen sack ontstucken ghesneden, ende mi met blischapen ghegordet,

13

Op dat v lof singe mijn eere, ende niet ghestilt en worde, HERE mijn God ic sal v dancken inder eewicheyt.