De Vorsterman Bijbel

§ Dauids .xxvij. psalm. ⁺ § Ad te domine clamabo

+ int heb. den xxviij. psal.

1

⁺HEERE tot v sal ick roepen, mijn God en swijcht niet van mi, op dat ick niet in gheender tijt als ghi swijcht van mi, geleken en worde den ghenen dye inden cuyle neder dalen.

+ A

2

Verhoort dye stemme mijns ghebets, als ic tot v bidde, als ic mijn handen op heffe tot uwen heylighen tempel.

3

⁺En leuert mi niet te samen ouer met den ongodliken, ende en verdoemt my niet met den werckers der quaetheyt. [kolom] Die vrede met haeren naesten spreken, maer die quaet hebben in haer herten.

+ B

4

Gheeft hen na haerder daet, ende na die scalcheyt haerder beuindinge. Gheeft hen loon na den wercken haerder handen, betaelt hen met haer betalinghe.

5

Want si en verstonden niet die wercken des HEREN, ⁺ ende die wercken zijnder handen, Ghi sultse bederuen, ende en sultse niet weder op timmeren.

+ C

6

Ghelouet si die HERE, want hi heeft verhoort die stemme mijns ghebets

7

Die HERE is mijn hulper ende mijn bescermer, op hem hoepte mijn herte, ende ic ben gheholpen. Ende mijn ^* vleesch) is wederom iuechdelick geworden ^* ende wt minen wil sal ic hem beliden.)

* th. herte

* the. ic sal hem dancken met mijn liedt.

8

Die HEERE is die stercte van sinen volcke, ende die beschermer der salicheden van sinen ghesalfden.

9

HERE maect dijn volck ghesont, ende ghebenedijt dijn erffenisse, ende regeertse, ende verhefse tot inder eewicheyt.