De Vorsterman Bijbel

§ Dauids .xxv. Psalm. ⁺ § Iudica me domine

+ int heb. den xxvi psalm

1

⁺HERE ^* oordeelt mi) want ic ben voort gegaen in mijn onnoselheyt. Ende want ic hope inden HERE, en sal ic niet cranc worden.

+ A

* h. weest mijn rechter

2

Proeft mi HERE ende ondersoect mi, ontfunct mijn nieren, ende mijn herte.

3

Want uwe bermherticheit is voor mijn oogen ende ic heb een behagen in uwe waerheyt gehadt

4

Ic en heb niet geseten inden raet der ydelheyt, ende ic en sal niet ingaen metten quaetdoenders

5

Ic hate die vergaderinge der boosachtiger ende ic en sal niet sitten bi die ongodlike.

6

⁺Ic sal mijn handen wasschen onder die onnosele, ende sal HERE omgaen uwen outaer.

+ B

7

Op dat ic hoore die stemme des loues, ende vertellen mach alle uwe wonderlicheden. Ic hate die vergaderinge der boosachtiger, ende en wil niet sitten bi die ongodlike.

8

HERE ic heb lief ghehadt die cieragie ws huys, ende die plaetse daer uwe eere woont.

9

En verderft mijn siele niet metten sondaeren, noch mijn leuen met den ^* sondigen mannen).

* th. bloet gierighen

10

In welcker hant zijn onrechten, ende haer rechter hant is vol giften.

11

Maer ic ben ingegaen in mijn onnoselheyt verlost mi ende zijt mi ghenadich.

12

Want minen voet stont inden rechten wech, ic wil v louen HERE in die heilige vergaderinge.