De Vorsterman Bijbel

§ Dauids .xij. Psalm Hooch te singhen. ⁺ § Vsque quo.

+ int heb. den xiij. psalm.

1

⁺HERE hoe langhe vergetet ghi mijns, tot int eynde, hoe lange keert ghi v aensicht van mi.

+ A

2

Hoe lange sal ic raet setten in mijnder sielen? ende rouwe dragen door den dach in mijnder herten?

3

hoe lange sal hem die viant ouer mi verheffen?

4

Aenscout doch ende verhoort mi HERE mijn God, verlicht mijn oogen, dat ic nemmermeer inden doot en ontslape.

5

Op dat mijn viant hem niet en beroeme in eenigen tijt, ic heb teghen hem vermoghen. Die mi quellen sullen vrolijc wesen, ist dat ic beroert worde

6

Maer ic heb hope gehadt in v bermherticheit, mijn herte sal hem verblijden van uwe salicheit. Ic sal den HERE singen, die mi goede dingen geeft, ende sal met sange louen den name des alderhoochsten HERE.