De Vorsterman Bijbel

§ Dauids xi. Psalm. Op die achtsnare. ⁺ § Saluum me fac

+ int heb. den xij. psalm

2

⁺HERE maect mi gesont, want die heilige is opgehouden, want die ^* waerheden) zijn vermindert vanden kinderen der menschen.

+ A

* th. geloouige

3

Si hebben yeghelijc tot sinen naesten ydelheit gesproken, ⁺ die bedriechlike lippen inder herten ende herten spraken tsamen.

+ herten ende herten dat is tot elcken herte.

4

⁺Die HERE sal wtroyen alle die bedriechlike lippen, ende die groot beroemende tongen.

+ B

5

Die geseit hebben, wi sullen onse tonge grootmaken, onse lippen zijn van ons seluen, wie is onse heere?

6

Om der allendicheit der behoeuender, ende der armer suchten sal ic nv opstaen, seyt die HERE, Ic sal stellen een salicheit, ende ic sal in hem ghetrouwelijc doen.

7

Die wtsproken Gods zijn eerbaer wtspraken, ende suyuerlijc, Siluer doorsocht ende geproeft ende seuen weruen gereynicht vander aerden.

8

Ghi HERE sult ons behouden, ende ons behoeden voor dit gheslachte eewelijck.

9

Die ongodlike wandelen inden omganc na uwer hoocheit hebdi vermenichfuldicht de kinderen der menschen.