De Vorsterman Bijbel

§ Dauids .xiij. Psal. Om hooch te singen ⁺ § Dixit insipiens.

+ int heb. den xiiij. psalm.

[p. Hh4v]

1

⁺DIe ongodlike heeft gesproken in zijnder herten, ⁺ daer en is geen God, si zijn verdoruen ende afgriselic geworden in haeren benersten, daer en is ghene die goet doet.

+ A

+ int heb. den xiiij. psalm.

2

Die HERE sach vanden hemel op die kinderen der menschen, dat hi sien soude, oft yemant verstandich ware, oft na God vraechde.

3

⁺Maer si waren wtgeweken, ende zijn alle tsamen onnutte geworden, Daer en is ghene die goet doet, ooc niet eene.

^* Haer kele is een open graf, met haeren tongen deden si bedriechliken, het venijn der aderslangen is onder haer lippen.

Welcker mont is vol van veruloecken, ende bitterheit, haer voeten zijn snel om bloet wt te storten.

Onstucken wriuinge ende onsalicheit is in haeren wegen, ende si en hebben niet bekent den wech des vredes, die vreese Gods en is niet voor haeren ooghen)

+ B

* Dese drie versen en zijn niet int he.

4

En sullen die quaetdoenders dan niet bekennen die mijn volc verslinden, als een spijse broots,

5

⁺Si en hebben God niet aengeroepen Si hebben ghinder gebeeft van vreesen ^* daer geen vreese en was).

+ C

* Ten is nyet int he.

6

Want God is inden gheslachte der rechtuaerdigher, Ghy hebt des armen raet bescimt, want God sine toeuerlaet is.

7

Wie sal die salicheit van Israel wt Sion geuen? Als die HERE zijns volcs geuangenisse afkeert, so sal Iacob vrolic zijn, ende Israel hem verbliden.