De Vorsterman Bijbel

§ Dauids .vi. psalm. Op die achtsnare § Domine ne in furo.

2

⁺HERE en straft mi niet in uwer toornicheyt, ende en castijt mi niet in uwer gramschappe.

+ A

3

HERE zijt mi ghenadich, want ic ben sieck HERE maect my ghesont, want alle mijn gebeenten zijn verstoort,

4

ende mijne ziele is zeer verscrict, ende ghi HERE hoe langhe?

5

Keert v omme HERE, ende verlost mine siele, Maect mi gesont om uwer barmherticheyts wille.

6

⁺Want inder doot, en is niemant die ws ghedenct, Wie sal di inder hellen ^* belijden?)

+ B

* th. louen.

7

Ick hebbe gearbeyt in minen suchten, Ic sal mijn bedde allen bisonder nachten wasscen ende maken minen leger met mijn tranen vochtich.

8

Mijn ooghe is vander toornicheyt beroert, Ic ben out geworden int middel mijnre vianden

9

Wiket van mi alle quaetdoenders, Want die HEERE heeft die stemme mijns weenens ghehoort.

10

Die HERE heeft mijn ghebeden verhoort. Die HERE heeft mijn ghebet ontfangen,

11

Laet mijn vianden hen schamen ende veruaert worden herteliken seer, Si moeten seer haestelic hen omkeeren, ende onuerhuets schamen.