De Vorsterman Bijbel

§ Dauids .ij. Psalm. § Quare fremuerunt.

1

⁺WAer omme hebben die heydenen ghegrimt, ⁺ ende die lieden ydelheit in haer gedachten voor genomen.

+ A

+ Actuum. iiij.

2

Die coningen des aertrijcs stonden by malcanderen, ende die princen quamen te gader tegen den HERE, ende sinen ghesalfden.

3

Laet ons haer banden in stucken breken, ende haer iocken van ons worpen.

4

Die inden hemel woont salse begecken, ende [kolom] die HERE salse bespotten.

5

Dan sal hi tot hen spreken in zijnder gramscap ende met zijnder verbolghentheyt sal hyse verstooren.

6

^* Want ic ben van hem ghestelt een coninc ouer Sion, sinen heyligen berch predikende zijn ghebot.

* th. ic heb minen coninc gestelt

7

⁺Die HERE heeft tot mi geseyt ghi zijt mijn sone, ⁺ ic heb v heden gewonnen.

+ B

+ Act. xiij.

8

Eyscht van mi, ende ic sal v die heydenen tot een erffenisse gheuen, ende der werelt eynden tot een besittinghe.

9

⁺Ghi sultse met die yseren roede regeeren, ende ghelijc een potbackers vat sult ghise in stucken smiten.

+ C

10

Ende nv ghi coningen verstaet ende wort onderwesen ghi diet aertrijc oordeelt.

11

Dient den HERE in vreesen, ende verblijt v in hem met beuinghe.

12

^* Ontfanct die leeringhe) op dat die HERE niet gram en worde, ende ghi vergaet vanden rechtuaerdighen weghe.

* th. cust den sone.

13

Als in corter stont sinen toorne ontsteken wort, salich zijn si die in hem betrouwen.