De Vorsterman Bijbel

[p. Hh2v]

Dauids Psalter

[afbeelding]

§ Dauids eersten Psalm. § Beatus vir.

1

⁺SAlich is die man die niet gegaen en is inden raet der ongodliker ende niet en stont inden wech der sondaren, ⁺ noch en sat inden stoel der ^* pestilentien.

+ A

+ Ier. xvij.b.

* the. bespotters

2

Maer sinen wille is in de wet des HEREN, ende oeffent hem met gedachten in zijnder wet, ⁺ dach ende nacht.

+ B

3

Ende hi sal zijn als eenen boom geplantet aen die nederloopende vloet der wateren, dye zijn vrucht brenct tot zijnder tijt, Ende zijn blat en sal niet afuallen, ende al dat hi doet sal hem ghelucken.

4

Maer also niet den ongodliken, also niet, Maer ghelijc dat stof dat die windt worpt van dat aensicht der aerden.

5

Daerom en staen die ongodlike in dat oordeel niet weder op, noch die sondaers inden raedt der rechtuaerdigher.

6

Want die HERE kent den wech der gherechtiger, Ende der ongodliker wech sal vergaen.