De Vorsterman Bijbel

§ Dauids .iij. Psalm, Doen hi vloot voor sinen sone Absolon. § Domine quid.

2

⁺HEERE, waer toe zijn si vermenichfuldicht die mi quellen? Veel staender op teghen mi.

+ A

3

Veel seggen tot mijnder sielen, Haer en is gheen salicheyt in haeren God.

4

Maer HERE ghi zijt ^* mijn ontfanger) mijn eere, ende mijn hooft verheffende.

* h. minen scilt

5

Ic hebbe met mijnder stemmen tot den HERE geroepen, ende hi heeft my verhoort, van sinen heylighen berghe.

6

Ic sliep, ende ben sluymerende geworden, ende ben opgestaen, want die HERE ontfinc mi

7

Ic en sal niet vreesen voor duysenden volcs die mi rontsomme beuanghen.

8

⁺Staet op HERE ende maect mi gesont, mine God, want ghi hebt geslagen alle die tegen mi waren sonder sake, ende ghi hebt gebroken die tanden der ongodliken.

+ B

9

Den HERE behoort dye salicheit toe, ende v benedictie is ouer v volck.