De Vorsterman Bijbel

§ Dat .xxvij. Capittel.

1

⁺ENde Iob nam hier toe ende hi hief zijn gelijckenisse op, ende seyde,

+ A

2

Soo warachtelick als God leeft, dye my mijn recht heeft wech ghenomen, ende die almachtighe die mijn siele tot bitterheit heeft gebrocht,

3

want alsoo langhe als minen adem in my is, ende den asem van Godt, in mijnder nuesen is,

4

en sullen mijn lippen nyet onrechts spreken, ende mijn tonghe en sal gheen loghenen versieren,

5

Dat si verre van mi, dat ick v recht soude gheuen, tot dat mijn eynde coemt, en wil ick van mijnder onnoselheyt nyet wijcken,

6

Mijn rechtuaerdicheyt dye ick hebbe beghonnen te houden, en wil ick nyet verlaten, Mijn herte en straffet my niet, van mijns gheheels leuens weghen

7

Maer mijn vyandt si ghelijck den ongodliken, ende dye hem teghen mi oprechtet, een onrechtuerdighe,

8

Want wat is dye hope des gheueynsden, dat hi soo ghierichliken rooft, ende God nochtans zijn siele nyet en verlosset?

9

⁺Meynt ghi dat God zijn crijsschen hooren sal, als dye benautheyt ouer hem coemet?

+ B

10

Hoe kan hy aenden almachtighen luste ghehebben, Ende God in allen tijden aengheroepen?

11

Ick sal v leeren door dye handt van God, ende wat dye almachtighe heeft en sal ick nyet verswighen,

12

Siet ghy kennet alle dinghen, waer om spreecte ghy dan sodanighen ydele woorden sonder redene?

13

want dit ist deel des ongodliken mensches

[p. Gg5v]

by Gode, ende dye erffenisse der tyrannen, dat si vanden almachtighen ontfanghen sullen

14

Sal hy vele kinderen hebben, soo sullen si des sweerts zijn, ende zijn nacomelinghen en sullen niet broodts sadt hebben,

15

zijn ouerbleuene sullen inde doot begrauen worden, ende zijn weduwen en sullen niet beweenen,

16

Als hy ghelt te samen brenghet ghelijc aerde, ende bereyt cleeder als slijck, soo sal hijt wel bereyden,

17

maer dye gherechtige salt aentrecken, ende dye ontschuldighe sal dat ghelt wtdeylen,

18

⁺Hi heeft ghetymmert zijn huys als een ^* motte) ende ghelijck een wachter een hutte maect.

+ C

* the. spinne

19

Als die rijcke slapen sal, en sal hijs met hem niet nemen, hi sal zijn ooghen op doen, ende en salt niet vinden

20

^* Armoede) sal hem oueruallen als water, snachts sal hem dat onweder verdrucken,

* the. verscrickinghe

21

den oosten wint sal hem wech voeren, ende als een onweder salt hem van zijnder plaetsen drijuen,

22

Hy sal soodanighe dinghen ouer hem brenghen, ende en sal hem niet sparen, Hy sal moeten vlieden, al vliedende van zijnder hant,

23

Hi sal ouer hem met zijn handen drucken, ende ouer hem tisschen, aensiende zijn plaetse

§ Hoe dat die wijsheyt Gods ongrondelic is