De Vorsterman Bijbel

§ Dat .iij. Capittel.

1

⁺DAer na dede Iob sinen mont op, ende veruloecte sinen dach,

+ A

2

ende sprac,

3

Dien dach moet verloren worden, ⁺ daer ic in geboren ben, ende dien nacht doemen seyde, Daer is een manneken ontfanghen,

+ Iere. xx.d.

4

Den seluen dach moet verkeeren in duysternissen, ende God van bouen en moet den dach niet eyschen, ende dien dach en worde niet verclaert met lichte,

5

Donckerheden ende ^* schaduwe der doot) moeten hem ver-[kolom]duysteren ^* Omuanghen moet hi worden vander duysternissen, ende bewonden met bitterheyt,)

* th. donckerheyt met wolcken

* th. ende den domp des daechs make hem afgriselijc

6

Den nacht besitte een doncker druyssich onweder, ende en moet niet onder die dagen des iaers gerekent worden, noch int getal der maenden comen,

7

⁺Dien nacht moet alleen bliuen, ende geen lofs weerdich,

+ B

8

Die veruloeckers des daechs moeten dien veruloecken, ende die daer bereyt zijn te verwecken den Leuiathan,

9

Sijn sterren moeten duyster worden in zijnder scemeringe, Hi verwachte tlicht ^* ende noch des gelijcs en moet hi niet sien den opganc der dageraet,

* th. ende en come niet.

10

Dat hy niet besloten en heeft die dore des lichaems die mi gedraghen heeft, ende niet wech gehaelt dat ongeluc van mijn oogen,

11

Waerom en ben ic niet gestoruen inder moeder? waerom en ben ic niet vergaen ter stont, doen ic wt den lichaem quam?

12

Waeromme hebben si mi op den schoot genomen? waerom ben ic met borsten ghesoocht? ⁺

+ Iere. xx.b

13

Dan soude ic nv slapende stille swigen, ende in minen slape hebben ruste

14

metten coningen ende raetsheeren der aerden, die dat woeste timmeren

15

oft met den princen die gout hebben, ende haer huysen vol siluers vullen,

16

oft als een ontijdelike geboorte, ende niet en ware, ^* als die ontfangen zijn, ende) dat licht niet ghesien en hebben,

* dye ionghe kinderen die

17

⁺Aldaer hebben die ongoddelike dophouden van beroerten, Al daer rusten doch die vele moeyten gehadt hebben van stercheden,

+ C

18

daer hebben doch die geuangenen vrede met malcanderen sonder quellinghe, ende en hooren die stemme des ^* drenghers niet,

* oft bedwinghers.

19

daer zijn cleyn ende groot, te samen knecht, ende die van sinen heere vry is.

20

⁺Waeromme is den katiuighen dat lichte gegeuen, ende dat leuen den bedroefden van herten?

+ D

21

(die dye doot verwachten, ende en coemt niet, Als die eenen schat wt grauen,

22

ende verblijden wtermaten seer als si een graf hebben vonden,)

23

ende den man wiens wech verborgen is, ende God heeften omuangen met duysternisse?

24

Want mijn suchten coemt eer dan ick ete, mijn huylen vallet daer wt stormende, als water,

25

Want dat ic geureest hebbe, dat is ouer my ghecomen, ende dat ick sorchde, heeft my geraect.

26

En hebbe ic niet gedoochsaem gheweest? en was ick niet stille? en hadde ic niet goede ruste? ende die onweerdighe gramschap is op mi gecomen.

§ Hoe Iob berispt wort om zijnder onlijdtsamheyt, onrechtueerdicheyt, ende om den roem zijnder eyghender rechtueerdicheyt