De Vorsterman Bijbel

§ Dat .xij. ca

1

⁺ENde hi woonde op die tijt in des conincs zale met Bagatha ende Thares des conincs camerlinghen, ⁺ die duerwachters des pallays waren,

+ A

+ Hester .ij.d ende .vi.a

2

Ende als hi haer gedachten verstont, ende haer sorchfuldicheden neerstelijc ondersochte, ⁺ mercte hi dat si arbeyden haer handen aen den coninc Artaxerxen te slaen, ende hi ontboot dat den coninc,

+ B

3

Ende als hijt van beyden ondersocht hadde, ende als si beleden hadden, dede hise ter doot wt leyden,

4

Ende die coninc hiet inde croniken scriuen datter geschiet was, ⁺ Ende Mardocheus bescreef die gedenckenisse deser saken ooc. ⁺

+ C

+ Hester .ij.

5

Ende die coninc beual hem dat hi inde zale des palays bliuen soude, ende gaf hem giften, om die aenbrenginge,

6

Maer Aman die sone Amadathi, Hagite, was heerlic voor den coninck, ende hi wilde Mardocheo ende zijn volc deeren, om die .ij. camerlingen des conincs die gedoot waren. ^* Tot hier toe was die prologe Dat hier na volcht, was tot dier plaetsen gestelt, daer gescreuen is int boeck, Ende si namen haer goet, dwelc wi inde gemeyne translatie alleen vonden, mer dit was copie des briefs)

* Dye woorden Iheronimi

§ Des conincs brief wort wtgesonden