De Vorsterman Bijbel

§ Dat .xi. ca.

1

⁺INden vierden iaer doen Ptholomeus ende cleopatra regneerden, brochten Dositheus (die seyde dat hi priester waer, ende van Leuijs gheslachte) ende Ptholomeus zijn sone, desen brief Phurim, welcken si seiden dat Lisimachus Ptholomei sone, die te Ierusalem was, ouer geset hadde. ^* Ende dit was ooc tbeghinne, in die gemeyn translatie, welc noch int hebreeusche, noch bi eenigen bekenden gheuonden en wordt).

+ A

* De woorden Ieronymi.

2

Int tweede iaer als die aldermeeste Artharxerxes regneerde, opten eersten dage der maent Nisan, so sach Mardocheus Iairis sone, Semei soons, des soons Cis, vanden stamme BenIamin,

3

een ioedts man, eenen droome, die welc in die stat Susis woonde, een groot man, ende hooch, onder die eerste des conincliken hoofs.

4

Ende hi was van dien getale der geuangenen, die Nabuchodonosor die coninc van Babilonien oueruoerde van Ierusalem, met Ieconia den coninc van Iudeen.

5

Ende dit was sinen droom. Het openbaerden stemmen ende oploopen, donderen ende aertbeuinge, ende verstoornisse opter aerden,

6

⁺ende siet, twee groote draken, tegen malcanderen bereyt totten strijt,

+ B

7

ende

[p. Ff5r]

totter seluer roepinge zijn alle gheslachten beroert, op dat si tegen trechtueerdich volck souden vechten,

8

Ende dien dach was der donckerheden ende wtgesceyden, ende des drucs ende bangicheyts, ende daer was grooten anxt opter aerden,

9

Ende der gerechtiger volc is verstoort, die haer quaet vreesden, ende die bereyt waren totter doot,

10

⁺Ende si riepen tot Godt, ende als si riepen so wies die cleyne fonteyne tot een zeer groote riuiere, ⁺ ende vloeyde in veel wateren dat licht,

+ D

+ Hester: x.c.

11

ende die sonne ginc op, ende die ootmoedige zijn verheuen, ende verslonden die heerlike,

12

Als Mardocheus dit gesien hadde, ende van zijn bedde op gestaen was so dachte hi wat god doen wilde, ende hi hadt vast in sinen moet ende begeerde te weten wat die droom beteekende.

§ Hoe Mardocheus den coninc waerscoude