De Vorsterman Bijbel

§ Dat .xiij. Ca

1

⁺DIe grote coninc Artarxerxes, allen zijn princen ende hertogen van Indien tot Morenlant toe van .c. ende .xxvij. prouincien, ⁺ die sinen gebode onderworpen zijn, ⁺ wenscht hi salicheyt,

+ A

+ Hester .i.c, ende .vi.a

+ Iospehus int .v. boec der ouder historien .xi.

2

Als ic veel volcx regeerde, ende alle die werlt onder mijn heerschappie gebracht hadde, en wilde ick gheenssins dye grootheyt mijnder mogentheyt misbruyken, maer die onderdanige met goedertierenheyt ende saechtheyt regeren op dat si haer leuen, sonder allen vare in stillicheyt, ouerbrengende, vrede souden gebruyken, die allen menschen begeerlic is,

3

Maer als ic van minen raetsheeren vraechde hoe dit veruult mocht worden, ^{+ +} een die in wijsheyt, ende trou-[kolom]we die andere te bouen ginc, ende was die tweede na den coninc Aman genaemt,

+ Hester .v.b

+ B

4

heeft mi te kennen gegeuen dat inde gheheel werelt een volc is verspreyt, dwelck nieuwe wetten ghebruyct, ende versmaet des conincs ghebot, doende tegen die gewoonte van alle volc, ende breect dye eendrachticheyt van alle volcken,

5

met zijnder twist dwelc als wi onderuraecht hadden, hebben wi gesien een maniere van volc rebel tegen alle tmenscelijc geslachte gebruyken quade wetten, ende gaen tegen ons geboden ende verstoren den vrede ende eendrachticheyt van onse onderdanigen landen,

6

hierom hebben wi geboden, dat alle die gene die Aman (die ouerste is van alle die lantscapen, ende die .ij. in eeren naest den coninc dien wi voor eenen vader eeren) wisen sal met haer huysurouwen ende kinderen vernielt sullen worden van haeren vianden, ⁺ ende niemant en ontferme haerder den xiiij. dach der .xij. maent Adar des tegenwoordichs iaers,

+ C

7

op dat die boose menschen in eenen dach nederdalende ter hellen, wederom gheuen onsen rijcke, den vrede, den welcken si verstoort hebben ^* Tot hier toe ist die copie des briefs, ⁺ Dat hier na volcht vondic gescreuen na die plaetse, daermen leest (Ende Mardocheus ghinc, ende dedet al dat hem Hester beuolen hadde, Nochtans en staetet int Ebreeus niet ende gheen van alden wtleggers en bescriuent,)

* De woorden Ieronimi

+ Hest. iiij.d

8

Mardocheus badt den HERE, gedachtich alle zijnder wercken,

9

ende hi seyde, HEERE almachtich coninc, want in uwer onderdanicheyt zijn alle dingen gestelt, ende daer en is niemant, die uwen wille wederstaen mach, ist dat ghi voor v genomen hebt Israhel te behouden,

10

⁺Want ghi hebt hemel ende aerde ghemaect, ⁺ ende so wat met den omganc des hemels beuaen is,

+ D

+ Psal. cxlix.

11

Ghi zijt heere van allen dingen, noch daer en is niemant die uwer maiesteyt wederstae,

12

Ghi kent alle dingen, ende ghi weet, dat ic niet wt hooueerdicheyt ende versmaetheit ende wt eenige begeerlicheyt der eeren dat gedaen en hebbe dat ic den alderhoueerdichsten Aman niet en aenbadt,

13

want ic soude ooc gheerne bereet zijn geweest, om Israels salicheyt die voetstappen zijnder voeten te cussen,

14

Maer ic vreesde dat ic die eere mijns gods, tot eenen mensce soude ouerdragen, ende dat ic niemant aenbidden en soude, wtgenomen minen God,

15

Ende nv HEERE coninc Abrahams god, ontfermt ws volcx want ons vianden willen ons verdoen, ende v erffenisse wt doen,

16

En versmaet v deel niet, welck ghi wt Egipten verlost hebt,

17

Verhoort mijn gebet, ende zijt genadich uwen deele, ende uwer maten, ende verkeert onsen drucke in blijschapen, op dat wy HEERE uwen name

[p. Ff5v]

leuende leuen, ende en sluyt den mont der gheender niet die v lof singhen,

18

Ende alle Israel riep oock met gheliker herten, ende biddinge totten HEERE, om dat hen een seker doot aen quam.

§ Hoe Hester God voor Israel bidt