De Vorsterman Bijbel

§ Dat .vi.

1

⁺DEn seluen nacht brocht die coninc sonder slapen ouer, ende hiet die croniken ende die historien vanden voorleden tijden voor hem te brengen, Doen die voor den coninc werden gelesen,

+ A

2

so quaemt tot dier plaetsen, daer gescreuen was, hoe Mardocheus hadde aenghebrocht die lagen der camerlingen Bagatha ende Thares ^* die den coninc Asswerum begheerden te vermoorden,

* th. dye aenden dorpele wachteden

3

Als die coninc dat hoorde, seyde hi, Wat eer ofte loon heeft Mardocheus vercregen om dese trouwe? Doen spraken zijn knechten, ende dienaers, Hi en heeft geenen loon met allen ontfaen,

4

Terstont seyde die coninc, Wie is in die zale? (Want Aman was ghecomen in die binnenste zael, om den coninc te raden, dat hy gebode Mardocheum vast te [kolom] maken aen dye galghe, die hy voor hem bereyt hadde)

5

ende des conincs knapen spraken tot hem. Aman staet in die zale, Dye Coninck sprack, laet hem incomen,

6

Ende doen Aman in quam, sprac die coninc tot hem, Wat salmen den man doen, dien die coninc geerne wilde eeren? Aman dacht in zijn herte, dat die coninc anders nyemant geen eere en wilde doen, dan hem,

7

⁺Aman sprac totten coninc, Dien man dien die coninc geerne wilde eeren,

+ B

8

moetmen coninclike cleederen aendoen, ende sal gheset worden op een paert, verciert metten sadel, daer die coninck op rijdet, ende ontfangen die coninclike cooone op zijn hooft,

9

Ende die eerste van des conincs princen ende ouersten sal zijn paert houden, ende gaende ouer die straten der stadt sal voor hem roepen, ende seggen, So salmen doen dien man, dien dye coninck gheerne eeren wilde.

10

⁺Ende die coninck sprac tot hem, Haestu, ende nemet dat cleet ende peert, so ghi geseyt hebt, ende doet alsoo Mardocheo den Iode, die voor die poorte des palays sidt, Siet wel toe ende wachtet v, dat ghi niet van alle dat ghi ghesproken hebt, achter en laet.

+ C

11

Doen nam Aman dat cleeet ende peert, ende cleedede Mardocheum, ende leyde hem op der stadt straten, Ende als hi opt peert sat, ginc hi voor hem, ende riep, deser eeren is hi weerdich, soo wien die coninck eere wil aendoen,

12

Ende Mardocheus quam weder aen die poorte des palays, Maer Aman haeste hem thuyswaerts, droef wesende, ende met bedecten hoofde,

13

⁺ende vertelde sinen wiue Zares, ende allen sinen vrienden al wat hem ontmoet was, Doen seyden tot hem die wijsen die hi met hem inden raet had, ende zijn wijf zares, Is Mardocheus vanden zaet der Ioden, voor dien ghi hebt begonst te vallen so en vermoecht ghy niet aen hem te weder staen, maer ghy sult voor hem vallen in zijn aenschouwen,

+ D

14

Doen si noch met hem spraken, so quamen des conincs camerlingen daer bi, ende dwonghen hem geringe totter maeltijt te comen, die die coninghinne bereyt hadde.

§ Hoe die coninginne Hester Aman beschuldichde, ende Aman aen die galge gehanghen wert.