De Vorsterman Bijbel

§ Dat .v. Ca.

1

⁺ENde opten derden dach cleede haer hester met coninclijcke cleederen, ende stont in die zale des conincs huys, welc binnen was int coninclike palays, Ende die coninc sat op sinen conincliken stoel, in die cancelrie tegen die duere des huys,

+ A

2

Ende doen die coninc Hester sach staen in die zale, heeftse behaecht sinen oogen Ende die coninc recte den gulden scepter die in zijn hant was tot haerwaerts. Doen ginc Hester toe, ende ^* custe) tsoppe des scepters,

* th. raecte

3

doen sprac die coninc tot haer. ⁺ Wat wildy Hester coninginne? ende wat begeerde ghi? al eyschede ghi ooc dat half deel des conincrijcs, het sal v ghegeuen worden.

+ B

4

Ende si antwoorde. Ist dat den coninc behaecht, so bidde ic, dat ghi ende Aman heden comet totter maeltijt, die ic bereyt hebbe.

5

Die coninc sprac, Roept haestelijc Aman, dat hi gehoorsaem si den wille van Hester. Doen quamen die coninck ende Aman totter maeltijt die hen die coninghinne bereyt hadde,

6

Ende na dat die coninc oueruloedelijck

[p. Ff3r]

wijn ghedroncken hadde, sprack hi tot haer, Wat bidt ghi, datmen v gheue? ende wat sake begeert ghi? ghi sult dat hebben, ende verweruen, al waert oock dye helfte mijns Conincrijcs,

7

Doen antwoorde Hester tot hem, Mijn bede ende begheerte is,

8

heb ic genade geuonden voor den coninc, ende ist dat den coninc behaecht mi te gheuen mijn bede, ende mijn begeerte te doen, so come die coninc ende Aman totter maeltijt, ⁺ die ic voor hen bereyden wil, so sal ic morgen den coninc minen wil opdoen,

+ C

9

Doen ginc Aman in dien dage wt vrolijc ende goets moets, Ende doen hi sach Mardocheum inder poorten des palays, dat hi niet op en stont, noch hem voor hem en verroerde, so wert hi vol gramschappen,

10

Maer zijn gramschap bedeckende, tot dat hy thuys quam, vergaderde hi zijn vrienden, ende zijn wijf Zares,

11

ende vertelde hen die heerlicheyt zijns rijcdoms, ende die menichte zijnder kinderen, ende al hoe hem die coninc met so groote eere verheuen hadde, ende dat hi bouen die princen ende knechten des conincs verheuen waer,

12

Oock sprac hi na dese, Ende die coninginne Hester en heeft niemant metten coninc totter maeltijt die si bereyt hadde, genoot, dan mi, Ende morgen sal ic ooc bi haer des noenes eten metten coninc,

13

⁺Ende al hebbe ic al dese dingen, ic achte ende laet mi duncken, dat ic niet met allen en hebbe, also lange als ic sie den Iode Mardocheum voor des conincs poorte sitten

+ D

14

Doen sprack zijn wijf Zares ende alle sine vrienden tot hem, Gebiet datmen reede make een galghe tvijftich ellen hooghe, ende segt morgen vroech den coninc datmen Mardocheum daer aen hange, soo sult ghi metten coninck vrolijck ghaen, Den raet beuiel Aman wel, ende beual te bereyden een hooghe galghe.

§ Hoe die coninc geboot Mardocheum te eeren.