De Vorsterman Bijbel

[p. Ee3r]

[kolom]

§ Hier beghint dat boec van Iudith

§ Hoe Nabuchodonosor den coninc Arpharat verwan, ende hoe zijn boden die hi wtgesonden hadde, ydel weder quamen.

§ Dat .eerste. Capittel.

1

⁺ARpharat die coninc van Meden, ⁺ hadde veel volcken zijnder heerlicheyt onderdanich gemaect, ende hi timmerde een die aldermachtichste stadt, dye hy Egbathanis hiet,

+ A

+ Dit boeck Iudith is in caldeusche tale bescreuen, ende tis int concilie van Nicenen in die heylighe schriftuere ontfaghen

2

Hi maecte haer mueren van viercanten ende van gehouwen steenen, Inder hoochten .lxx. ellen, ende inder wyden .xxx. ellen, Ende haer thornen maecte hi hooghe hondert ellen,

3

maer haerder beyde viercante side, hielt inder widen xx. voeten, Ende hi sette haer poorten alsoo hooghe als die thorrens,

4

ende hi verhief hem als een machtige in die machticheyt zijns heyrs, ⁺ ende in die heerlicheyt zijnder wagenen,

+ B

5

Aldus int .xij. iaer zijns rijcs Nabuchodonosor der Assirien coninck, die in die groote stadt Niniue regneerde, streedt teghen Arpharat, ende verwan hem

6

in dat groote veldt, dwelcke heet Ragau, bi Euphraten, ende Tygrim, ende Iadason, in dat veldt Erioch des conincs van Elicom,

7

Doen is Nabuchodonosors rijck verheuen, ⁺ ende zijn hert is verhoouerdicht ende hi sandt tot allen den ghenen die daer woonden in Cilicien ende Damasco, ende Libano,

+ C

8

ende totten luyden die daer zijn in Carmelo, ende Cedar, ende die daer bewoonen Galileen, in dat ghroote veldt Esdrelom,

9

ende ale die daer waren in Samarien, ende door die vloet de Iordane, tot Ierusalem toe ende tot alle den lande Iesse, ⁺ tot datmen tot den berghen des Mooren lants coemt,

+ D

10

Tot allen desen sandt Nabuchodonosor der Assirien coninc, boden,

11

die hem alle wederseyden met eenen moet, ende si sondense wederom ydel ende verwierpense sonder eere,

12

Doen wert coninc Nabuchodonosor verbolghen tegen alle dlant, ende hi swoer bi sinen throon ende bi zijn rijck, dat hi hem soude beschermen van allen desen lantschappen.

§ Hoe Nabuchodonosor raet hielt, ende Holofernem wtsandt tot die rijcken Oostwaerts geleghen, ende met sinen heyre wtreysende verwant hijt al.