De Vorsterman Bijbel

[p. Aa1r]

[afbeelding]

§ Hier beghint deerste boeck Esdre. ⁺

+ oft Ezre.

§ Hoe Cyrus die Coninck van Persen die kinderen van Israel liet vri gaen na Ierusalem, ⁺ ende met hen wedersandt die vaten des tempels.

+ Cyrus dye eerste Coninc van persen

§ Dat .i. Capittel.

1

⁺INden eersten iaer Cyri des Conincs van Persen, ⁺ op dat des HEEREN woort, wt den mont Ieremie veruult soude worden, so verwecte die HEERE den geest Cyri, des conincs van Persen, dat hy liet wt roepen door alle zijn conincrijc, oock door scriften, ende seggen,

+ A

+ Iere. xxi. i.Paralipo xxxvi.d.

2

Soo spreect Cyrus dye coninck van Persen, ⁺ Die HEERE die Godt vanden hemel, heuet mi alle conincrijcken des aertrijcs gegeuen, ende heeft my beuolen hem een huys te timmeren te Ierusalem in Iuda,

+ B

3

Wie nv onder v van sinen volck is, met dien si dye HEERE zijn God, ende trecke op te Ierusalem in Iuda, ende timmere thuys des HEREN des Gods Israel, Hi is die God die te Iherusalem is,

4

Ende die noch ouer ghebleuen is, in allen plaetsen daer hi woont ouer al, dyen sullen helpen dye luyden van zijnder plaetsen met siluere ende gout, goet, ende beesten, wt ghenomen tghene dat si offeren vriwillich totten huise Gods, ⁺ dwelc is in Ierusalem,

+ C

5

Doen zijn op gestaen die ouerste der vaderen van Iuda ende BenIamin, ende die priesters ende leuiten, ende alle diens geest God verwecte op te trecken, dat si opreysen [kolom] souden om dat huys des HEEREN te timmeren te Ierusalem,

6

ende alle dye rontsomme hen waren, reycten haer handen met silueren ende gulden vaten, met goet ende vee, ende cleynodien, behaluen dat si vriwillichlijc gauen.

7

⁺Ende die coninc Cyrus bracht wt die vaten des huys des HEEREN, die Nabuchodonosor wt Ierusalem ghenomen, ende in zijn Gods huys gheset had.

+ D

8

Maer Cyrus die coninc van Persen brachtse wt door ^* mithridatis den soon van Gasabar, ende hi teldese ouer Sasbasar de ouerste van

* Thebreus. Mitridath den tresorir.

9

Iuda, ende dit is huer getal .xxx. gulden schalen, ende duysent silueren schalen, neghen ende .xx. messen,

10

dertich gulden croesens, ende die andere silueren croesens .cccc. ende .x. ende ander vaten. m.

11

Also dat alle die vaten, beyde gulden ende silueren waren vijf duysent, ende vier ende .c. Alsoo brachse al Sasbasar op met dien die wt de ouereysinge van Babilonien op trocken te Ierusalem

§ Dat ghetal van die ghene die weder keerden met Sorobabel na Ierusalem wt Babilonien.