De Vorsterman Bijbel

§ Dat .xxxvi. Capittel.

1

⁺ENde dat volc des lants nam Ioachas Iosie sone, ende maecte hem coninc in zijns vaders plaetse te Ierusalem. ⁺

+ A

+ iiij.re. xxiij

2

Ioachas was drie ende twintich iaer out, doen hi coninc wert, ende hi regeerde drie maenden te Ierusalem,

3

want die coninc van Egypten sette hem af [kolom] doen hi quam te Ierusalem, ende hi schatte dat lant tot hondert ponden siluers, ende een pont gouts,

4

ende die coninc van Egipten maecte Eliachim sinen broeder coninc ouer Iuda, ende Ierusalem, Ende veranderde sinen naem Ioachim. Maer sinen broeder Ioachas nam Nechao ende bracht hem in Egypten.

5

Ioachim was vijf ende twintich iaer out, doen hi coninc wert, ende regeerde elf iaer te Ierusalem, Ende dede quaet voor den HEERE sinen God,

6

Ende ⁺ Nabuchodonosor die Coninc van Chaldeen troc tegen hem op, ende bandt hem met ketenen ende voerde hem in Babilonien,

+ B

7

Ooc bracht Nabuchodonosor sommige vaten des huys des HEEREN tot Babilonien, ende dedese in sinen tempele. ^*)

* the. te Babilonien.

8

Wat meer van Ioachim te seggen is ende zijn afgriselicheden die hi dede, ende die aen hem beuonden werden, die zijn gescreuen inden boec der coninghen van Israel ende Iuda, Ende zijn sone Ioachim wert coninc in zijn stede.

9

Ioachin was acht iaer out doen hi coninc wert, ende regeerde drie maenden ende thien dagen te Ierusalem, ende dede quaet voor Gods aensichte.

10

Doen dat iaer om quam sandt Nabuchodonosor, ende liet hem tot Babilonien halen metten Costeliken vaten des huys des HEREN, ende maecte Zedechiam zijns Vaders broeder coninc ouer Iuda ende Ierusalem.

11

Zedechias was eenen ende twintich iaer out, doen hi Coninc wert, ende regeerde elf ⁺ iaer te Ierusalem,

+ C

12

ende dede quaet dat den HERE sinen God mishaechde, ende en ^* scaemde) hem niet voort aensicht des propheten Ieremia, die daer wt den monde des HEREN tot hem sprac,

* th. verootmoedichde

13

Daer toe viel hi af, van Nabuchodonosor den coninc van Babilonien, die ^* hem inden naem Gods besworen) hadde, ende wert hartneckich, ende verharde in zijn herte, dat hi hem niet en bekeerde totten HERE den God van Israel.

* the. eenen eedt bi god van hem genomen

14

Ooc al die ouerste onder die priesteren metten volcke hebben ouer getreden, ende maecten des sondigens vele, na alderhande afgriselicheden der heydenen, ende verontreynichden dat huys des HEEREN, dat hi gheheylicht hadde te Ierusalem.

15

Ende die HEERE haerder vaderen God sandt door die handen van sinen boden (vroech), ⁺ opstaende, ende dicwils vermanende, Want hi zijn volck ende zijn wooninghe spaerde,

+ § Vroech, dat is, hy seydet hen tijtlijck te voren dat si tijts ghenoech hadden hen te beteren, eer die straffinghe quam

16

Maer si bespotten die boden Gods, ende verachten zijn woorden, ende beghecten zijn propheten, tot dat die straffe toornicheyt des HEEREN ouer zijn volc wiesse, alsoo datter gheen heelen aen en was,

17

Want hi leyde den coninck der Chaldeen o-

[p. cc8v]

uer hen, ende hi sloech doot haer ionghe vrome mannen, metten swaerde, inden huyse haers heylichdoms, ende hi en heeft niet ontfermt die ionghelinghen, noch die maechden, noch den ouden, noch den ghenen, die cromde van ouderdom, Maer alle ghaf hise in zijn hant.

18

⁺Ende alle die vaten des huys Gods so wel die groote als die cleyne, die schatten ^* des tempels), ende die schatten des Conincs ende zijnder vorsten, voerde hi al ouer in Babilonien,

+ D

* thebr. des huys des Heeren

19

Ende die vianden verbernden dat huys Gods, ende braken die mueren te Ierusalem af, ende alle haere ^* torrens) verbranden si met viere, ende alle die costelike iuweelen hebben si verdoruen.

* the. palleysen.

20

Ende wie vanden sweerde ouerbleuen was, dien voerde hi wech tot Babilonien, ende werden sine ende zijnder sonen knechten, tot dat die Coninc van Persen regeerde,

21

ende dat dwoort des HEREN veruult soude worden, door den mont Ieremie, tot dat dat lant zijn Sabbathen vieren soude, Want den geheelen tijt der verstooringhe hieldt Sabboth, tot dat tseuentich iaer veruult werden.

22

Maer inden eersten iaer Cyri des Conincs van Persen, op dat dat woort des HEREN veruult soude worden, door den mont Ieremie ghesproken, so verwecte die HEERE den gheest Cyri des Conincks van Persen, ⁺ Dat hi dede wtroepen door zijn geheel conincrijck, oock door schrift ende segghen,

+ Ie. xxxv.c.

23

Also spreect Cyrus die Coninc van Persen, Die HEERE die God vanden hemel heeft mi alle conincrijcken van aertrijcke ghegheuen, ende heeft mi beuolen hem een huys te timmeren te Ierusalem in Iuda, ⁺ Wie nv onder v van sinen volcke is, met dien si die HERE zijn God, ende trecke oppe.

+ i.Esdr. i.a ij.Esd. ij.a

§ Hier eyndt dat tweede boec Paralipomenon.