De Vorsterman Bijbel

§ Dat .xxxij. Capittel.

1

⁺NA dusdanige geschiedenissen ende ghetrouwe waerheyt quam Sennacherib die coninc van Assyrien, ⁺ ende comende int Iootsche lant, beleyde hi die vaste bewaerde steden, ende wildese inne nemen,

+ A

+ iiij.r. xivij.

2

Ende doen Ezechias dat sach, dat Sennacherib quam, ende dat de geheele oploop des strijs viel teghen Ierusalem,

3

so wert hijts te rade met sinen ouersten ende machtichsten vroomsten mannen, die wateren vanden fonteynen, die daer buyten voor die stadt waren, te stoppen, ende dat sloten si met eens yegelics vermeten,

4

ende het vergaderde hem een groot volc, ende stopten toe alle fonteynen, ende die riuiere dier liep midden inden lande ende spraken, Op dat die coningen van Assirien niet veel waters en vinden als si comen.

5

Ende hi dede cloeckelijcken, ende timmerde al de mueren daer si yet veruallen waren, ende maecte torrens daer op ende timmerde daer buyten noch eenen ander muere, ende beueste Mello in Dauids stadt, ⁺ ende maecte vele manieren van verscheyden wapenen, schilden,

+ B

6

ende stelde die hooftluyden inden heyr neffens dat volc. Ende hi vergaderdese alle gader tot hem op die breede strate aen die poorte der stat, ende sprac hertelijc met hen, ⁺ seggende,

+ iiij.re. xvi.

7

Doet als mannen, ende weest vroom, en vreest noch en verlaet v niet, voor den coninc van Assirien noch voor alle den hoop die bi hem is, Want met ons is veel meer dan met hem,

8

Met hem is eenen vleescheliken arm, ☞ maer met ons is die HEERE onse God, die onse hulper is, ende vecht voor ons. Ende tvolc is verstout gheweest van dusdanigen woorden Ezechie des conincs van Iuda.

9

⁺Daer na sandt Sennacherib der Assyrien coninc sine knechten tot Ierusalem (want hi lach voor Lachis, ende alle sine heyrscare met hem) tot Ezechiam den coninc van Iuda, ende tot gheheel Iuda, dat tot Ierusalem was, ende dede hem seggen,

+ C

10

Alsoo spreect Sennacherib der Assyrien coninc, Op wien betrout ghi v, ghi die woont inden belegerden Ierusalem?

11

En heeft v Ezechias niet bedrogen, dat hi v inden doot soude geuen, in grooten hongher ende dorste, ende seyt, Die HEERE onse Godt sal ons wel ver-

[p. cc6r]

lossen vanden coninck van Assyrien,

12

En is hi niet die Ezechias, die zijn hoochten ende altaren wech ghedaen heeft, ende gheseyt, te Iuda ende te Ierusalem, Voor eenen altaer suldt ghi aenbeden, ende daer op wierooc branden.

13

⁺En weet ghi niet wat ick ende mijne vader gedaen hebben allen den volcken des lants Hebben oock die ghoden der heydenen der landen mogen haere landen verlossen van mijnder hant?,

+ D

14

Wie is onder allen goden deser heydenen, die mine vaders ^* verwoest) hebben, die zijn volck heeft moghen verlossen van mijnder hant?, dat ooc uwe god v soude mogen verlossen wt mijnder hant,

* th. verwonnen

15

Dus en laet v nv Ezechias niet bedriegen, ende en laet v dat niet wijs maken met ydelen raet, ende en geloeft hem niet, want ist dat gheen God van alderhande heydenen ende conincrijcken zijn volc van mijn ende mijnder vaderen hant niet en heeft mogen verlossen so en sal dan v ooc uwe God niet verlossen van mijnder hant.

16

⁺Doen spraken sine knechten noch veel meer andere dingen tegen den HEERE den God, ende tegen sinen knecht Ezechiam.

+ E

17

Ooc screef hi brieuen vol van blasphemie tegen den HERE den God van Israel, ende sprack teghen hem segghende, ghelijc die goden der heydenen der landen haer volc niet en hebben verlost van mijnder hant, alsoo en sal ooc die Godt van Ezechia zijn volc niet verlossen van mijnder hant.

18

Ende si riepen hierenbouen met luyder stemmen in ioetscher talen, totten volcke dat te Ierusalem opten mueren was, om hen vreesachtich te maken ende veruaeren, dat ^* hi die stat mochte) winnen

* theb si die stat mochten

19

Ende spraken tegen den Godt van Israel, gelijc tegen die goden der volcken der aerden die der menschen handen werck waren.

20

Maer die coninc Ezechias ende die prophete Esaias Amos sone, baden deser blasphemie teghen, ende riepen ten hemel.

21

Ende die HEERE sandt sinen Engel die vernielde alle die machtighe mannen des heyrs ende oorloochs mannen, ouersten des heyrs, des conincs van Assyren, alsoo dat hy met schanden weder in zijn lant trock. Ende doen hi in zijns Gods huys gegaen was, so doodeden hem sine kinderen wt sinen lichaem gewonnen, metten swaerde.

22

Alsoo halp die HEERE ende behielt Ezechiam ende de inwoonders van Ierusalem wt Sennacherib hant des conincs van Assyrien, ende van allen anderen, ende gaf hen rontsom vrede,

23

dat vele den HERE giften brochten te Ierusalem, ende cley-[kolom]nodien Ezechie den coninck van Iuda, Ende hi wert daer na verheuen voor alle Heydenen.

24

⁺Ter seluer tijt wert Ezechias dootsieck, ⁺ ende hi badt den HREE, die verhoorde hem ende die HERE ghaf hem een wonderlijck teeken.

+ F

+ iiij.re xx.a esa xxxviij

25

Maer Ezechias en ghaf hem niet weder ghelijck hi ontfanghen hadde, want zijn herte verhief hem, Daerom quam die gramschap ouer hem, ende ouer Iuda ende Ierusalem.

26

Maer Ezechias verootmoedichde hem daer na, dat zijn herte hem verheuen hadde, hi selue ende die inwoonders van Ierusalem met hem, daer om en quam die gramschap des HEEREN niet ouer hen, also langhe als Ezechias leefde.

27

Ezechias was zeer rijck ende eerlijck, ende vergaderde voor hem seluen vele schatten, van siluer, gout, edele ghesteenten, wel riekende cruyden, wapenen, schilden, ende alderhande costelijcke vaten van grooten prijs,

28

ende koren huysen totten incomen des graens, mosts, ende olijs, ende stallen voor alderley vee, ende coeyen voor die schapen,

29

ende hi tymmerde ^* ses steden) Ende hi hadde vee aen scapen ende runderen sonder getal, Want God had hem zeer groot goet ghegheuen,

* the. hem steden.

30

Hi is die Ezechias die de hooge water aedere in Gihon verstopte, ende leydese onder westwaerts tot Dauids stadt, Hi dede gheluckichlijck in alle sine dinghen, die hi doen wilde,

31

Nochtans doen die ouerste van Babylonien tot hem ghesonden waren, na dat wonder, dat inden lande gheschiet was, verliet hem God also dat hi soude gheproeft worden, op dattet cont soude worden, ⁺ al wat in zijn herte was.

+ G

32

Wat meer van Ezechia te seggen is, ende sine ontfermherticheden, die zijn ghescreuen inden ghesichte Esaie des propheten Amos sone, ende inden boeck der Coninghen van Iuda ende Israel.

33

Ende Ezechias sliep met sinen vaderen, ende si begroeuen hem ouer die grauen van Dauids kinderen, ende geheel Iuda ende die van Ierusalem deden hem eere in zijnder doot, ende sine sone Manasses wert Coninck in zijn stede, ende regeerde voor hem.

§ Hoe Manasses regeerde, ende van sinen sonden, ende van dat volck van Assyrien dat gheuanghen wert, ende in Babylonien ghebracht wert.