De Vorsterman Bijbel

§ Dat .xxxi. Capittel.

1

⁺ENde doen dat altemael wettelijck beschict was, trocken wt alle die Israheliten die in die steden van Iuda geuonden werden, ende braken die afgoden, ende hieuwen die boschkens af, ende verdoruen die hoochten, ende die altaers braken si af, niet alleen wt geheel Iuda ende Ben Iamin, maer ooc van Ephraim ende Manasse, tot dat sise vernielden. Ende alle die kinderen van Israel trocken weder tot haeren goeden ende in haeren steden.

+ A

2

Maer Ezechias stelde die priesters ende leuiten in haere oordine, elcken na sinen dienste, beyde die priesters ende leuiten, totten brantoffer ende vreedsame offeren dat si souden dienen, beliden, ende singhen inder poorten des heyrleghers des HEEREN

3

^+* Maer des conincs deel was) datmen van sinen goede soude offeren brantoffer smorgens ende tsauonts ende des sabboths, ende nieuwe maenden ende feesten soot gescreuen staet inder wet ^* Moysi)

+ B

* the. Ende die coninc gaf zijn deel

* h. des HEREN

4

Ende hi geboot den volcke dat te Ierusalem woonde, dat si deelen den priesteren ende leuiten souden geuen, op dat si des te naerstiger souden zijn in die wet des HEREN.

5

Ende doen dat woort wt quam, gauen die kinderen van Israel veel eerste vruchten, van grane, most olie, honich, ende alderhande incomens vanden velde, dat daerde voort brenct, offerden si thienden af.

6

Ende die kinderen van Israel ende Iuda ooc, die in die steden van Iuda woonden, brachten thienden van runderen ende scapen, ende vanden geheylichden, dat si den HERE haeren God ^* gheloeft) hadden, ende maecten hier eenen hoop, ende dat tsamen brengende maecten si vele verscheyden hoopen.

* the. geheylicht

7

Inder derder maent begonsten si die fundamenten vanden hoopen te leggen, ende inder se-

[p. cc5v]

uenster maent volbrachten sise.

8

⁺Ende doen Ezechias met sinen princen daer in ghegaen was, sagen si die hoopen, ende gebenediden den HEERE ende den volck van Israel,

+ C

9

Ende Ezechias vraechde den priesters ende Leuiten, waerom die hoopen also lagen,

10

Ende Azarias die ouerste priester in Zadoch huyse, antwoorde hem, Sint ter tijt datmen begonst heeft die ^* eerste vruchten) te offeren int huys des HEEREN, hebben wi ghegeten, ende zijn versadet, ende daer is noch vele ouer ghebleuen, Want die HERE heuet zijn volc gebenedijt, daerom is dat ghene dat ghi siet die oueruloedicheyt van tgene datter ouerghebleuen is,

* th. hefofferen

11

Hierom beual Ezechias datmen ^* schueren) gereet soude maken aent huys des HEEREN, Ende als sise bereyt hadden,

* the. kisten

12

so droegen si daer ^* getrouwelijcken) in die ^* eerste vruchten), thienden, ende ^* al datter wt gheloften gheoffert was)

Ende ouer dat selfde was ghestelt Chonanias die leuijt, ende Semei sine broeder die tweede,

* th. op geloue.

* the. hefofferen

* the. tgeheylichde

13

⁺ende na dien Iehiel, Asasias, Naathet Azael, Ierimot, Iosabad Eliel Iesmachias Mahath, ende Banaia, ouersten gestelt onder die hant Chononie ende Semei zijns broeders, nae tbeuel des conincs Ezechie ende Azarie des ouerste priesters vanden huyse Godts,

+ D

14

Maer Chore Iemna sone dye leuite die duerwachter tegent oosten, was ouer die vriwillige gauen die ^*) den HERE geoffert werden, ende ouer die eerste vruchten ende ouer tghene dat geheylicht was, tot den behoef vander alderheylichste plaetse,

* the. Gode

15

Ende onder zijn hant waren, Eden, Miniamin, Iesue, Semeias, Amarias, ende Sechanias, in die steden der priesters, dat si op ghelooue getrouwelijc dienen souden haeren broederen na haere oordine, so wel den cleynsten als den grootsten,

16

behaluen die manspersonen van drie iaren, ende allen den genen daeren bouen die ingingen int huys des HEREN, ende wat si alle dage profitelijc deden inden dienst ende bewaringen na haer deelingen,

17

Die priesteren na haer huysgesinnen, ende die leuiten van twintich iaren ende daer bouen, door haer oordinen in haer bewaringen,

18

ende der geheelder menichten so wel haeren huysurouwen als haer kinderen ^* waer knechtkens of meyskens wert getrouweliken spijse ghegeuen vanden ghenen die geheylicht waren.)

* th. want si heylichden op haer gelooue tgeheylichde.

19

Maer ooc van Aarons kinderen waren gestelt door die ackeren der steden, die deelen deylen souden allen mans personen vanden priesteren ende leuiten ^*)

* h. gerekent

20

Dus dede Ezechias al dat wi te vo-[kolom]ren geseyt hebben in geheel Iuda, ende dede dat goet, recht, ende waerachtich was voor den HEERE sinen Godt,

21

in allen diensten der eeren des dienst des huys Gods, na die wet ende geboden om te soecken sinen God, wt zijnder gheheelder herten, Hi dedet, ende hi is in voorspoedicheyt gheweest.

§ Vanden nederslach den welcken die Engel in Senacharibs leger dede, ende hoe hi sterf.