De Vorsterman Bijbel

§ Dat .vi Capittel.

1

⁺DOen sprac Salomon, ⁺ Die HEERE heuet gesproken te woonen in die duysternisse,

+ A

+ iij.re. viij.b

2

Want ic heb ^* een huys getimmert sinen name) dat ^* hi) daer eewelijc in woonen ^* soude)

* th. v een wooninghe ghetimmert

* th. ghi

* th. soudet

3

Ende die Coninc keerde zijn aensicht omme, ende gebenedide ende wenschte goet toe der geheelder gemeynte van Israel, want de geheele [kolom] schare stont naerstelijc onledich. Ende hi spracp

4

Gheloeft si die HERE den god van Israel, die dat tot minen vader Dauid ghesproken, ende met sinen ^* wercke) veruult heeft, segghende.

* the. handen.

5

Sint ter tijt dat ic mijn volc wten lande van Egipten geleyt hebbe, so en heb ic geen stat vercoren in al die geslachten van Israel, een huys te timmeren tot minen name, ende en hebbe ooc ghenen anderen man vercoren, dat hi prince soude zijn ouer mijn volc van Israel.

6

Maer Ierusalem hebbe ic vercoren dat minen name aldaer soude zijn, ende Dauid heb ic vercoren, dat hi ouer mijn volc van Israel soude wesen.

7

Ende doen mijn vader Dauid inden sinne hadde, ⁺ een huys te timmeren den name des HEREN des Gods van Israel,

+ i.para. xxij. ij.regum. vij.

8

⁺sprac die HEERE tot minen vader Dauid. Ghi hebt wel gedaen dat ghy inden sinne hebt minen name een huys te timmeren,

+ B

9

Maer ghi en sult dat huis niet timmeren, maer v sone die wt uwen lendenen comen sal, die sal minen name dat huys timmeren.

10

So heeft nv die HERE zijn woort veruult, dat hi gesproken heeft, Want ic ben opghecomen in mijns vaders Dauids stede ende sitte opten stoel van Israel, soo die HERE gesproken heeft, ende hebbe een huys ghetimmert den name des HEREN, des Gods van Israel,

11

ende hebbe daer inne gedaen die Arcke, daer dat verbont des HEREE in is, dat hi metten kinderen van Israel gemaect heuet.

12

Ende hi stont biden outaer des HEREN tegen der geheelder gemeynten van Israel ouer ende recte zijn hant wt.

13

Want Salomon hadde gemaect een metalen ^* stuensel) ende geset midden inden palleyse des tempels, vijf cubitus lanc ende breet, ende drie cubitus hooge, ende hi stont daer op, ende viel daer na neder op zijn knien tegen die geheele gemeynte van Israel ouer, ende strecte zijn handen wt ten hemel

* th. ketel

14

ende sprac. HERE God van Israhel daer en is gheen God ws gelijc noch inden hemel, noch opter aerden, ghi die houdt dat verbont ende die ontfermherticheit uwen knechten dye voor v wandelen wt gheheelder herten.

15

Ghi hebt uwen knecht Dauid minen vader gehouden al wat ghi tot hem gesproken hebt. Ende dat ghi met uwen monde hebt gesproken, met uwen ^* wercken) hebdijt veruult, gelijc dat huyden ten dage staet

* th. handen

16

⁺Nv HEERE God van Israel, Volbrenghet uwen knechte Dauid minen vadere dat ghi hem ghesproken hebt ende gheseyt. Het en sal v niet ghebreken aen eenen man voor my, die opten stoel van Israhel sitte. Nochtans also verre alst is, dat uwe kinderen haer weghen bewaren, dat si wandelen in mijn wet, ghelijc ghy voor my gewandelt

+ C

[p. bb2v]

hebt.

17

Nv HEERE God van Israel, Laet v woort warachtich geuesticht worden, dat ghy tot Dauid uwen knechte gesproken hebt.

18

Want meyndi ooc ^* dattet gelooflic si) dat God bi die menschen opter aerden woone? ⁺ Want ist dat den hemel ende alder hemelen hemel v niet en can begripen, hoe veel te meer soudt dan dit huys ghedoen dat ic ghesticht hebbe?

* th. warachtich

+ D

19

Maer alleen hieromme ist ghetimmert, dat ghi aenmercken soudt, ende keeren v totten ghebede ws knechts, ende tot sinen bidden HERE mijn God, dat ghi verhoort dat bidden ende beden, dat v knecht voor v doet,

20

Dat ghi uwe oogen opendoet ouer dit huys dach ende nacht, ⁺ ouer die plaetse daer ghi af gesproken hebt, uwen naem daer stellen, om aengeroepen te worden, dat ghi hooren soudt dat gebet dat v knecht in dese plaetse doen sal,

+ iij.re. viij.d

21

Aldus verhoort nv dat bidden ws knechts ende ws volcs van Israel, wie dat bidden sal op dese plaetse.

Hoort vander plaetsen uwer wooningen, vanden hemel, ende als ghijt hoort so wilt genadich zijn.

22

Ist dat yemant teghen sinen naesten sondicht, ⁺ ende wort hem eenen eedt op gheleyt, dien hi sweren soude, ende den eedt coemt voor uwen altaer in dit huys,

+ iij.reg. viij.

23

so willet vanden hemel hooren, ende uwen knechten recht oordel doen, also dat ghijt hem vergeldet, so dat ghi den quaden geeft sinen wech op zijn hooft, ende wreket den rechtuaerdigen, ende geeft hem na zijn rechtuaerdicheyt

24

Ist dat v volc van Israel van zijn vianden verwonnen wort, want si sullen tegen v sondigen, ende bekeeren si hen, ende beliden uwen name, ende bidden ende smeken voor v in desen huise,

25

so willet hooren vanden hemel, ende genadich zijn der sonden ws volcs van Israel, ende die weder in dat lant brengen, dat ghi hen ende haeren vaderen gegeuen hebt.

26

Ist dat den hemel gesloten wort, ende datter niet en regent, om dat si tegen v gesondicht hebben, ende bidden in dese plaetse, ende beliden uwen name, ⁺ ende bekeeren hen van haeren sonden, om dat ghise verootmoedicht hebt,

+ E

27

so willet hooren inden hemel, ende genadich zijn, ende vergeuen die sonden uwer knechten, ende ws volcs van Israel, dat ghi hen luyden den goeden wech leert daer si in wandelen sullen, ende laet regenen op v lant, dat ghi uwen volck ghegheuen hebt te besitten.

28

Ist dattet een dierte inden lande wort, oft pestilencie, oft dorricheit, brant, sprinchanen, rupsenen, oft als zijn viant inden lande zijn poorten beleget, oft eenighe plage, oft crancheit

29

Wie dan biddet onder alderhande menschen, ende onder alle uwen volcke van Israel, ist dat [kolom] yemant zijn plage ende zijn smerte geuoelt, ende zijn handen wt rect tot desen huyse,

30

So willet hooren vanden hemel, te weten, van uwer hooger wooningen, ende genadich zijn, ende elcken geuen na alle zijn wegen, die ghi weet dat hi in zijn herte heeft. Want ghi alleen bekent dat herte der menscen kinderen,

31

op dat si v vreesen ende wandelen in uwen wege, alle dage, also langhe als si leuen opten lande, dat ghi onsen vaderen ghegheuen hebt.

32

Ist dat ooc een vremde, die van uwen volcke van Israel niet en is, wt verren lande coemt om ws groten naems, ende machtiger hant, ende wtgerecten arms wille, ende biddet tot desen huyse.

33

So willet vanden hemel hooren, vanden alder vaste uwer wooningen, ende doent al, daer om dat die vreemde v aenroept, op dat alle volcken der aerden uwen naem bekennen, ende v vreesen, ghelijc v volc van Israel, ende kennende worden, dat op dit huys dat ic ghetimmert hebbe, uwen name genoemt ende aengheroepen wort.

34

Alst gebueren sal dat v volc wt trect inden strijt tegen zijn vianden, door den wech dien ghise seynden sult, ende tot v bidden tegen den wech, ⁺ inden welcken leyt dese stadt, dye ghi vercoren hebt, ende totten huyse dat ic uwen name ghetimmert hebbe,

+ F

35

so wilt haer ghebet ende bedinge verhooren vanden hemel, ende hen tot haeren rechte helpen, ⁺ ende haer wrake doen.

+ iij.regum. ij.

36

Ist dat si tegen v sondigen, wanter gheen mensche en is die niet en sondicht, ende ghi op hem gram zijt, ende geeftse voor haer vianden, dat sise geuangen wech voeren, in een verre ofte na lant,

37

ende si hen in haerder herten bekeeren inden lande daer si inne gheuangen zijn, ende bekeeren hen, ende bidden v inden lande haerder geuanghenissen, ende seggen, wi hebben gesondicht misdaen, ende zijn onrechtuaerdich gheweest,

38

ende hen also wt gheheelder herten, ende wt gheheelder sielen tot v bekeeren inden lande haerder geuangenissen, daermense geuangen houdt, ende si bidden teghen den wech tot haeren lande, dat ghi haeren vaderen gegeuen hebt, ende totter stat die ghi vercoren hebt, totten huyse dat ick uwen name ghetimmert hebbe.

39

So wilt haer ghebet ende smeeken vanden hemele hooren, dat is, van uwer vaste wooninge ende hen tot haeren rechte helpen, ende uwen volcke ghenadich zijn, ende haer vergheuen, al ist dat teghen v ghesondicht heeft,

40

Want ghy zijt mijn God.

⁺ So laet nv, bidde ic, v oogen open zijn ende uwe ooren toe luysteren opt gebet, dat in deser plaetsen gheschieden sal.

+ G

41

Aldus staet nv op HERE tot uwer rusten, ghi ende de arcke uwer

[p. bb3r]

macht, Laet uwe priesters HEERE Godt, met salicheyt gecleet worden, ende uwe heylighen hen verblijden van den goeden,

42

HERE mijn God en keert niet af dat aensichte ws ghesalfden, ⁺ ghedenct der ontfermherticheyden Dauids ws knechts.

+ Psal. xxxi

§ Vanden viere dat die offerhande verslont, Van die heerlicheyt Gods, Van die feeste der timmeringhen