De Vorsterman Bijbel

§Dat .xx. Capittel.

1

⁺ENde tis geschiet doen dat iaer om was tertijt als die coninghen wt pleghen te trecken ten strijde, ⁺ vergaderde Ioab theyr, ende dye macht des ridderschaps, ende verderf der kinderen van Ammons lant, ende reysde ende belegerde Rabba, Maer Dauid bleef te Ierusalem, als Ioab Rabba sloech, ende verderf, ⁺

+ A

+ ij.reg. xi.a.

+ ij.reg. xij.a

2

Ende Dauid nam dye croone ^* Melchons) van sinen hoofde, ende vandt daer aen een pondt gouts swaer, ende costelijcke edele gesteenten, Ende ^* hy maecte daer af een cooninclijcke croon) Oock voerde hi seer vele roofs wt der stadt,

* th. haers conincs

* the. si wert op Dauids hooft ghestelt

3

Maer dat volc dat daer inne was, leyde hi wt, ende ^* dede ouer haer gaen eechden met yseren tanden, sledden, ende beslagen ouerdecte wagens,) alsoo

* th. deeldese met sagen, ende yseren haken distelen

[p. aa4r]

dat si gesaecht ende ontstucken gewreuen werden) Also dede Dauid allen den steden der kinderen Ammon. Ende Dauid trock met alle den volck wederom te Ierusalem.

4

⁺Daer na verhief hem eenen strijt te Gaser teghen die Philistinen, inden welcken sloech Sobochai die Husathite Saphai, dye vanden geslachte der kinderen Raphaim was, ende vernederdese.

+ B

5

Ende daer verhief noch eenen strijt teghen die Philistinen.

Doen sloech ^* Adeodatus Saltus sone van Bethleem) Goliaths broeder van Geth, die welcke eenen spies staf had gelijck eenen weefboom.

* th. Elhanan die sone van Iair die Lahemijt

6

⁺Noch eens geuiel eenen strijt te Geth, daer was een lanc man, die hadde ses vingeren ende ses theenen, die maken tsamen vierentwintich. Ende hi was ooc van Raphaims geslachte geboren,

+ C

7

ende hi bescimpte Israel. Maer Ionathan Sammaa sone des broeders Dauids sloech hem. Dese waren die kinderen van Raphai te Geth, ende vielen door Dauids ende zijnder knechten handen.

§ Hoe tvolc van Israel getelt wert, ende vanden Engel gheslagen wert, Ende hoe Dauid den HEERE versoende.