De Vorsterman Bijbel

§ Dat .xviij. Capittel

1

⁺MAer tis gesciet na desen dat Dauid die Philistinen sloech, ende verootmoedichdese, ende nam Geth ende haere dochteren wt der Philistinen hant,

+ A

2

Ooc sloech hy dye Moabiten, also dat die Moabiten Dauid onderdanich werden, ende ghiften brochten,

3

Hy sloech oock Hadad Eser den coninc van Soba, in dat lantscap Hemath, doen hi wech troc om zijn ^* rijck ende ghebot te vermenichfuldighen tot) aent water Euphraten,

* the. teeken op terechten

4

Ende Dauid wan hem duysent wagens af, seuen duysent rosuolcs, ende twintich duysent voetuolcs, Ende Dauid verleemde alle die paerden der waghenen, behaluen hondert wagenen, dye hy behiel, voor hem seluen,

5

⁺Ende die Syriers van Damasco, quamen Adad Eser den coninc van Soba te hulpen, Maer Dauid sloech der seluer Syriers ooc tween twintich duysent mannen,

+ B

6

Ende leyde volc tot Damascon in Syrien, dat die Siriers Dauid onderdanich souden worden, ende hem gauen souden brengen, ende die HERE halp Dauid in allen dinghen, waer hi henen trock

7

Ende Dauid nam die gulden schilden, dye Adad Esers knechten hadden, ende brachtse tot Iherusalem,

8

Oock nam Dauid wt den steden Adad Eser Thebeath ende Chun zeer veel metaels, Waer af Salomon die metalen zee, ende calomnen, ende metalen vaten maecte.

9

⁺Ende doen Thou die coninc van Hemath hoorde, dat Dauid alle dye macht vanden heyr Hadad Esers des conincks van Soba gheslaghen hadde,

+ C

10

sandt hy sinen sone Aduram totten coninck Dauid, om dat hy vrede van hem begheren soude, ende dat hy hem verbliden soude van vrients gheluc, om dat hi Adad Eser geslagen ende verwonnen hadde, Want Thou was een viant van Adad Eser,

11

Ooc al die gulden, siluere ende metalen vaten, heylichde die coninc Dauid den HERE, met den siluere ende goude, dat hi den heydenen genomen hadde, te wetene, den Edomiten Moabiten, Ammoniten, Philistinen, ende Amalechiten.

12

Maer Abisai saruie sone sloech die Edomiten int zout dal, achthien duysent,

13

ende leide volc in Idumeen, dat al die Edomiten Dauid onderdanich souden zijn, Want dye HERE behielt Dauid waerwaerts dat hy reysde,

14

⁺Also regheerde Dauid ouer gheheel Israel, ende onderhielt oordeel ende gherechticheyt in alle sine volck.

+ D

15

Ioab Zaruie sone

[p. aa3v]

was ouer dat heyr. Iosaphat Ahilud sone was Cancellier.

16

Zadoch Achithobs sone, ende Abimelech, ende Abiathars sonen waren priesters. Swsa was scriuer.

17

Banaias Ioiade sone was ouer die Chereti ende Pheleti, ende Dauids sonen waren den coninck aldereerste ter hant.

§ Hoe Anon Dauids boden onteerde, ende vanden strijt teghen Anon.