De Vorsterman Bijbel

§ Dat .xij. Capittel

1

⁺INt seuenste Iaer Iehu, wert Ioas Coninc, ende hy regeerde veertich iaeren te Iherusalem, ⁺ Sine moeder hiet Sebia van Bersabee,

+ A

+ ij.pa. xxiiij

2

Ende Ioas dede dat recht was, ende den HEERE wel behaechde, also lange als hem die priester Ioiada leerde,

3

dan dat ^* hi) die hoochten niet af en ^* dede) want dat volck offerde, ende wierp noch wierooc opten hoochten.

* the. si

* the. deden.

4

Ende Ioas sprac totten priesteren, Alle dat ghelt der heyliger dingen die vanden voorbigangers ghebrocht worden inden tempel des HEREN, dat welcke gheoffert wert voor een prijs, om die leuende siele te verlossen, ende dat si van hen seluen ende wt vrien wille haerder herten brenghen inden tempel des HEREN, dat laet dye priesters tot hen nemen,

5

elcken zijn deel, daer af sullen si reken al wat verualt aenden huyse des HEREN waer si vinden dat yet verualt.

6

⁺Maer die priesters tot int drientwintichste iaer des Conincs Ioas en beterden nyet dat veruallen was aen den tempel,

+ B

7

Doen riep die coninc Ioas den priester Ioiada metten priesteren, ende sprac tot hen, Waerom en reket ghi niet, wat veruallen is aenden tempel? Daerom en sult ghi nv niet tot v nemen dat ghelt, elc zijn deel na die oordene, maer sullet gheuen om te vermaken dat veruallen is aenden tempel,

8

Ende die priesteren ^* zijn verboden vanden volc,) gheen ghelt te nemen, ende dat veruallende aenden huyse te reecken.

* thebr. ouer quament

9

Doen nam dye priester Ioiada een kiste, ende boerde daer bouen een gat in, ende settese ter rechter hant neffens den altaer, daermen in dat huys des HEREN ghaet, ende die priesters die die dueren bewaerden, deden allet gelt daer in, dat tot des HEREN huys gebracht wert,

10

Als si dan saghen dat te vele gelts inder offerkisten was, so quam des conincs scriuer op, metten hoogen priester, ende gooten tgelt tsamen wt, ende telden dat, alle wat in des HEREN huys geuonden wert.

11

⁺Ende men gaf dat gelt gereet ouer na tgetal ende mate in dye handt der ghenen, dye ouerste waren gestelt vanden metsers totten huyse des HEREN,

+ C

12

Ende si ghauent wt den timmerluyden die daer timmerden ende den metsers die daer arbeyden aen den huise des HEREN, ende die daer hout ende gehouden steenen cochten, dat dat veruallen aenden huyse des HEEREN gebetert soude worden, ende al

[p. y4r]

wat si beuonden van noode te zijn te beteren, aen den huyse.

13

Nochtans en werden vanden seluen gelde gheen ^* watercruycken) des huys des HEREN ghemaect, noch ^* crauwels, noch wierooc vaten) noch trompetten, noch eenich gouden oft silueren ^* vat) van dien gelde dat totten huyse des HEREN gebracht wert,

* th. silueren scalen

* th. kannen beckens

* th. ghereetscap

14

want men gaf dat den arbeyders dat si daer mede dat veruallen aen den huyse des HEREN souden reecken.

15

Ooc en dedemen dye mannen gheen rekeninghe diemen dat ghelt dede, dat si dat den arbeyders souden gheuen, Maer si hanteerdent op ghelooue.

16

Maer dat gelt datmen offerde voor versuymenisse, noch datmen offerde voor die sonden en wert niet totten huyse des HEREN ghebracht, want twas der priesteren.

17

⁺Tot dier tijt trock Hasael die Coninc van Sirien op, ende street tegen^* Geth) ende wantse Ende ^* hi) scicte zijn aensicht om tot Ierusalem, op te trecken,

+ D

* th. Gath

* th. Hazael

18

hierom nam Ioas die Coninck van Iuda alle dat gheheylichde, dat zijn vader Iosaphat Ioram ende Ochosias, die coninghen van Iuda gheheylicht hadden, ende wat hy ^* gheoffert) hadde.

Daer toe allet gout datmen vant inden schat inden tempel des HEREN, ende in des conincs huys, ende sandt tot Hasael den Coninc van Sirien. Ende doen troc hi af van Ierusalem.

* th. gheheylicht.

19

Wat meer van Ioas te seggen is, ende wat hi gedaen heeft, en is dat niet gescreuen inden boecke der woorden vanden dagen der Coninghen van Iuda?

20

Ende sine knechten stonden teghen hem op, ende maecten eenen oploop ende wederstant onder malcanderen, ende sloegen Ioas inden huyse Mello, daermen afgaet tot Sella,

21

Want Iosachar die sone Semaath ende Iosadab die sooen Somer sine knechten sloegen hem doot, ende men begroef hem met sinen vaderen in Dauids stadt, ende Amasias sine sone wert coninc, ende regeerde in zijn stede.

§ Van Ioachams rijc ende dat hi quaet dede, ende gheleuert wert inder Siriers handen.