De Vorsterman Bijbel

§ Dat .xxi. Capittel.

1

⁺HEt wert ooc eenen dieren tijt in Dauids tiden drie iaer aen walcanderen. Ende Dauid beuraechde ^* antwoorde) des HEREN, Ende die HERE sprac. Om Sauls wil, ende om dat bloet zijns huys wil, dat hi die ⁺ Gabaoniten) gedoot heeft.

+ A

* th. dat aensicht

+ th. Gibaoniten

2

Doen liet dye Coninc die Gabaoniten roepen, ende sprac tot hen, (die Gabaoniten en waren niet vanden kinderen van Israel, maer ouergebleuen vanden kinderen der Amoriten, maer die kinderen van Israel hadden hen ghesworen, ende Saul sochtse te slaen, in sine nijdinge liefde voor die kinderen van Israel ende Iuda)

3

Aldus sprac dan Dauid totten Gabaoniten. Wat sal ic v doen? ende welcke sal nv die versoeninge zijn der misdaet, op dat ghi die erffenisse des HEREN ghebenedijt.

4

Die Gabaoniten spraken tot hem. Ons en is geen clachte van siluer oft gout, maer tegen Saul ende zijn huys, noch wi en willen niet datter eenige mensche wt Israel gedoot worde. Totten welcken sprac die coninck. Wat ^* wildy) dan dat ic v doen sal?

* th. segt ghi

5

Si spraken totten Coninck Den man die ons gewreuen ende booslic verdruct heeft, sullen wi also vernielen, datter niet een van zijn gheslachte ouer en bliue in allen den palen van Israel.

6

Gheeft ons seuen mannen wt sinen kinderen, dat wise den HERE ^* hanghen aen cruycen) tot Gabaa Sauls voormaels des wtuercorenen des HEREN. ⁺ Die Coninc sprac. Ick salse v gheuen,

* th. op hanghen

+ B

7

Maer dye Coninc spaerde MephiBoseth, Ionathas sone, des soons sauls, om des eets wille des HEREN, dye tusschen hen was, te weten, tusschen Dauid ende Ionathan sauls sone.

8

Maer die twee sonen Respha, dye dochter Ahia, die si saul gebaert hadde, Ar-[kolom]moin, ende Mephiboseth, daer toe dye vijf sonen Michal, der dochter sauls, die si Adriel ghebaert hadde den sone Barsellai des Malothiters, nam di Coninc,

9

ende gafse in der Gabaoniten handen, die hinghen si aen cruycen opten berch voor den HEERE. Aldus vielen dese seuen tot eenen male, ende storuen inder tijt des eersten oosts, als die gersten oost aengaet.

10

⁺Doen nam Respha Ahias dochter een ^* haren cleet) ende spreydet opten steen int begin des oogsts, tot dat water vanden hemel op hen druypte, ende en liet die vogelen des hemels sdaechs daer op niet rusten, noch des nachts die dieren des velts.

+ C

* th. sack

11

Ende het wert dauid gebootscapt, wat Respha die dochter Ahia sauls bislaperse gedaen hadde.

12

Ende Dauid ginc henen, ende nam Sauls gebeenten, ende Ionathas zijns soons ghebeenten vanden borgeren tot Iabes in Galaad, die si vander straten Bethsan gestolen hadden, daerse die Philistinen henen gehangen hadden inder tijt, doen die Philistinen Saul sloegen opten berch Gelboe,

13

ende brachtse van daer opwaerts, ende vergaderdese tsamen metten gebeenten der gehangenen,

14

ende begroeuen die met sauls ende zijns soons Ionathas gebeenten, inden lande Beniamin, ter siden inden graue zijns vaders Cis. Ende dedent alsoot die coninc geboden hadde. So wert God na desen den lande weder versoent.

15

⁺Maer daer verhief hem weder een oorloghe vanden Philistinen tegen Israel, ⁺ ende Dauid trock, ende zijn knechten met hem, ende streden teghen die Philistinen. Ende Dauid wert moede,

+ D

+ i.Re. xvij.a

16

ende Iesbi van Nob die een was vanden Arapha, ende tgewichte zijnder spiesen was .iij hondert vncen gewichten metaels, ende hi had een nieu ^* zwaert aen gegort) die gedacht dauid te slaen.

* the. harnas aen

17

Maer Abisai die sone Seruie halp hem, ende sloech den Philistijn doot. Doen zwoeren Dauids mannen, ende spraken. Ghi en sult niet meer met ons wt trecken inden strijt op dat ghy dye keerse in Israhel nyet wt en doet.

18

Doen stondt daer noch die tweede oorloghe op te ^* Nobe) tegen die Philistinen. Doen sloech Sobochai die Husathijt dien Sephi die welcke vanden kinderen Rapha ooc een was ^* vanden geslachte der ruesen).

* th. Gob

* Ten is nyet int he.

19

Ende daer verhief noch die derde oorloge, tot Gob tegen die Philistinen, inden welcken sloech ^* Adeodatus) dye sone ^* Saltus, een barduerwercker) een Bethlehemijt, den Goliath den Gethiter, die welcke een spies had,

* th. Elhanan

* the. IaereOrgim

[p. t4v]

wiens staf was als eenen weefboom.

20

Ende daer stont noch dye vierde oorloghe op te Geth, daer was een hooftman, die hadde ses vingheren aen zijn handen, ende ses teenen aen zijn voeten, dat is .xxiiij. int getal, ende hi was ooc geboren van Arapha.

21

Ende doen hy vermaledide Israel ende spijt seyde, so sloech hem Ionathas die sone Semmaa, Dauids broeder.

22

Dese vier waren van Arapha te Geth gheboren, ende vielen door Dauids handt, ende zijnder knechten.

§ Van dat liedt dat Dauid den HERE sanc, om dat god hem verlost hadde van sinen vianden.