De Vorsterman Bijbel

§ Dat .iij. Cap

1

⁺MAer na dat si wederom gecomen is tot haers mans moeder ^* hoorden si van haer) Mine dochter, ick sal v ruste versien, dattet v wel gaet,

+ A

* the. sprack Noemi tot haer

2

Dese Boos is onse naman bi wiens deernen ghi geweest zijt, ende wannet desen nacht gherste, op sinen dorsuloer,

3

Dus badet v, ende saluet v, en doet v scoonste cleet aen, ende gaet neder totten dorschuloer dat v niemant en kenne, tot dat hi al gegeten ende gedroncken heeft,

4

Als hi dan gaet liggen slapen, so mercket die plaetse daer hi neder leyt, om te slapen, ende coemt, ende slaet tdecsel op tot sinen voeten ende legt v daer, so sal hi v wel seggen wat ghi doen sult,

5

Si sprac tot haer, Al wat ghi my beueelt, dat sal ic doen.

6

⁺Si ghinc neder totten dorsch vloere, ende dedet alle, wat haer haers mans moeder gheboden hadde,

+ B

7

ende doen Boos gegeten ende gedroncken hadde, so was zijn hert vrolijc, ende leyde hem achter eenen hoop schoouen, ende si quam lyzelijc, ende sloech tdecsel op tot sinen voeten, ende leyde haer daer,

8

Doent nv middernacht was, verscricte die man, ende taste om hem ende sach dat een wijf lach tot sinen voeten,

9

ende hi sprac, wie zijt ghi? Si sprac, Ic ben Ruth v dienst deerne, breit dijn ^* mantel) wt ouer dijn maerte, Want ghi zijt die naman.

* th. vluegel

10

⁺Hi seyde, Gebenedijt sidi den HERE mijn dochter, Ghi hebt een beter ontfermherticheyt na gedaen, dan te voren, dat ghi niet na iongelingen en zijt gegaen, noch rijcke noch arme,

+ C

[p. q2r]

11

Nv mine dochter en wilt niet vresen, Al wat ghi segt, dat sal ic doen, Want die geheele stat mijns volcs weet, dat ghi een duechdelijck wijf zijt,

12

Nv het is waer, ende ick en missaecs niet, dat ick die ^* naman) ben, maer daer isser een naerder dan ic, blijft ouer nacht,

* § Naman, heet dye zijns broeders of naesten vrients na gelaten wijf moeste ten huwelic nemen, om den gestoruen, een zaet te verwecken, gelijck Deut. xxv. staet.

13

morghen ist dat hi v neemt, wel, ist dat geschiet maer en belieuet hem v nyet te nemen, soo sal ick v nemen, alsoo warachtelic als godt leeft, slaept tot morgen, ende si sliep tot smorghens toe, tot sinen voeten.

14

Ende stont op, eer die een mensche den anderen gekennen conste, ende Boos seyde Wacht v dat niemant en wete, dat ghi hier gecomen zijt,

15

Ende noch seyde hi, breyt wt den mantel, herwaerts, dien ghi aen hebt, ende houdt dien toe met beyde uwe handen, ende si hielten toe, ⁺ ende hi mat ses maten ghersten, ende leydet op haer, ende si quam in die stadt,

+ D

16

ende si quam in tot haers mans moeder, die seyde, Wat hebdy gedaen mine dochter? ende si seyde haer, al wat haer die man gedaen hadde, ende seyde,

17

Dese ses maten ghersten gaf hi mi, want hi sprac Ic en wil niet, dat ghi ydel sult comen tot ws mans moeder,

18

si sprack, Houdt stille mijne dochter, tot dat ghi onderuint hoe dattet verghaen sal, want dye man en sal niet op houden, het en si dat hijt ten eynde brenghe, dat hi ghesproken heeft.

§ Hoe Boos Ruth tot een huysurouwe nam, ende wan Obed, ende Obed Isai Dauids vader, Ende van dat geslachte Phares tot Dauids toe