De Vorsterman Bijbel

§ Dat .xvij. Capittel.

1

⁺IN dien tijt wasser een man opten gheberchte Ephraim gheheeten Micha,

+ A

2

die sprac tot zijnder moeder. Die duysent ende hondert silueren penninghen die ghi tot v afghescheyden hebt, ende daer ghi af gesworen hadt, doen ict hoorde. Siet, dat selue ghelt is by my, ick hebt tot my ghenomen, Doen sprack zijn moeder.

Ghebenedijt si mijn sone den HEERE.

3

⁺Alsoo ghaf hy zijnder moeder dye duysent ende hondert penninghen weder, ende zijn moeder seyde tot hem. Ick heb dat ghelt den HEERE gheheylicht van mijnder hant, dat mijn sone dat neme, datmen een ghehouwen ende gheghoten beelt soude maken, daeromme so geue ict v nv weder.

+ B

4

Maer hi gaf zijnder

[p. p6r]

moeder dat ghelt weder.

Doen nam zijn moeder twee hondert silueren penninghen, ende dedese totten siluersmit, ⁺ dat hi daer af maken soude een gesmeden ende gegoten beelt, dat was daer na inden huyse Miche.

+ C

5

Ende die man Miche hadde also een Gods huys, ende maecte eenen lijfroc ende afgoden, ende (vulde) eenen van sinen sonen dye hant, ⁺ ende hi wert hem een priester.

+ Vulde, dat is, hy wide hem, gelijck exo. xxix.e. staet

6

In dien tijt en was geen coninc in Israel, ende elc dede dat hem recht dochte.

7

⁺Daer daer was een iongelinc van Bethlehem Iuda, van zijn maechschap, ende hi was een Leuijt, ende was daer ^* woonachtich)

+ D

* th. een vreemdelinc

8

Hi reysde wt der stadt Bethlehem Iuda, om te wandelen werwaerts hi conste geuinden eenich profijt. Ende doen hi opt geberchte Ephraim quam totten huyse Miche, dat hi sinen wech soude ghaen,

9

so vraechde hem Miche. Van waer coemdy? Hi antwoorde hem. Ic ben een Leuijt van Bethlehem Iuda, ende wandele werwaerts ick mach, ende sie dat mijn profijt si.

10

Miche sprac tot hem, blijft by mi, ende zijt mijn vader ende mijn priester. Ick sal v iaerlijcs thien silueren penningen gheuen, ende dobbel cleederen, ende al wat v van cost om te leuen van noode is.

11

Die Leuijt gaf hem consent, ende bleef biden man, ende hi hielt hem, ende hi was hem als een sone.

12

Ende Miche vulde den Leuite dye hant ^* ende hi hadde den knecht den priester by hem)

* th. dat hi zijn priester wert ende hy was also inden huyse Miche.

13

Ende Miche seyde. Nv weet ick dat my die HEERE wel doen sal, om dat ic eenen priester hebbe vanden gheslachte Leui.

§ Hoe dat in desen tijden gheen coninc in Israel en was, Ende dat geslachte Dan sochte een erue, om daer in te woonen, Ende vanden kinderen Dan, die welcke haelden ende namen die afgoden Miche, ende ooc zijn priesters.