De Vorsterman Bijbel

§ Dat .xij. Capittel.

1

SIet ^* in Ephraim is een tweedracht opgestaen, want si gingen ouer) ten noorden waert, ende spraken tot Iephte, ⁺ Waerom sidi inden strijt getrocken tegen die kinderen van Amon, ende en hebt ons niet geroepen, dat wy met v hadden getrocken? daerom sullen wi v huys verbranden,

* the. die van Ephraim riepen, ende ginghen.

+ A

2

Iephte sprac tot hen, Ic ende mijn volc hadden een groote saeck teghen die kinderen van Amon, ende ick riep v aen, dat ghi mi bistant doen sout, ende ghi en hebbes niet willen doen,

3

Doen ic dat sach, so stelde ic mine siele in mijnen handen, ende troc wech tegen die kinderen van Amon, ende dye HEERE gafse in minen handen, wat heb ic verdient, dat ghi teghen mi opstaet, om teghen mi te strijden?

4

⁺Ende Iephte vergaderde al die mannen van ^* Galaad) ende street teghen Ephraim, Ende die mannen van ^* Galaad) sloegen Ephraim, daerom dat si seyden, Ghi Galeaditen zijt veltuluchtighe voor Ephraim, woonende onder Ephraim ende Manasse,

+ B

* th. Gilead

* th. Gilead

5

Ende die Galeaditen namen in, die hauen des Iordaens ^* daer Ephraim wederom soude comen) Als dan die vluchtige Ephraim spraken, Ic bidde, laet mi doorgaen, so seyden die mannen van ^* Galaad,) Sidi een Ephraite? Als hi dan antwoorde, neen,

* thebr. voor Ephraim.

* the. gilead.

6

soo deden si hem spreken, Schiboleth, ^* dat so veel is te seggen, als een are) Dye antwoorde, Sibboleth, nyet connende een are genoemen metten seluen letteren, so grepen si hem ter stont, ende vermoorden hem aen die hauen des Iordaens, alsoo dat tot dier tijt van Ephraim .xlij. duysent vielen,

* ten is nyet int heb. schiboleth, heet een aren aent koren theet oock wel een lant strate

7

Iephte ^* oordeelde) Israel ses iaer, Ende Iephte die Galaadite sterf, ende wert begrauen in zijn stadt ^* Galaad.)

* the. rechte.

* the. gilead.

8

⁺Nae desen oordeelde Israel ^* Abessan) van Bethlehem,

+ C

* the. Ibsan.

9

dye hade .xxx. sonen, ende .xxx. dochteren, die welcke hi wtseyndende ghaf hi .xxx. [kolom] mannen, ende .xxx. ^* huysurouwen) nam hi van buyten sinen sonen, ende oordeelde Israel seuen iaer,

* the. dochteren

10

ende sterf, ende wert begrauen tot Bethlehem

11

Na desen oordeelde Israel Ahilon een Sabulonijt, ende oordeelde Israel .x. iaer,

12

ende sterf, ende wert begrauen inden lande Sabulon.

13

⁺Na desen oordeelde Israhel Abdon een sone Helles, een Parathonijt,

+ D

14

die hadde .xl. sonen, ende van dien .xxx. neuen, die op .lxx. ezels vuelens rijden, ende oordeelde Israel acht iaer,

15

ende sterf, ende wert begrauen tot Parathon, inden lande Ephraim, opten geberchten der Amalechiten.

§ Van Manue ende zijnder huysurouwe, Van Sansons gheboorte, vercondicht door den Enghel.