De Vorsterman Bijbel

§ Dat .xi. Capittel.

1

⁺DOen Iabin die coninck tot Hazor dat hoorde, sandt hi tot Iobab den Coninck tot Madon, ende totten coninck tot Semron, ende totten coninck tot Achsaph,

+ A

2

ende totten coningen dye noortwaerts opt gheberchte, ende inden pleynen lande, zuydtwaerts Cineroth, ende inden nederen lande, ende in die heershappien tot Dor aen dye zee, woonden.

3

Den Cananiten tegent oosten ende westen. Die Amoriten, ende dye Hethiten, ende die Pheresiten, ende die Iebusiten, op dat gheberchte. Daer toe dye Heuiten

[p. n6v]

[afbeelding]

onder aen den voet vanden berch Hermon, inden lande ^* Maspha)

* th. Mizpa

4

dese trocken wt met alle haeren heyr, een groot volck, so vele als des zants aen die zee, ende zeer veel paerden ende wagens in grooten getale,

5

Alle dese coningen vergaderden hen ende quamen ende maecten haeren leger te hoope aen dat water Merom, om tegen Israel te strijden.

6

⁺Ende de HERE sprac tot Iosue, En vreestse niet, want morgen om dese tijt sal ickse al ^* verslaen ende te quetsen) geuen voor die kinderen van Israel, haer paerden suldy verlemen ende haer wagenen met vier verbranden.

+ B

* th. verslaghen

7

Ende Iosue quam bottelijck ouer hen ende allet oorloochs volc met hem aent water Merom, ende oueruielense,

8

Ende die HEERE gafse in die handen van Israel, ende sloegense ende ioegense tot groot Zidon toe, ende tot die warmme wateren, ende tot aen die breyde tot ^* Maspha) teghent oosten, ende sloegense tot datter niet een ouer en bleef.

* th. Mizpe

9

Doen dede hen Iosue, so die HEERE geseyt hadde, ende verlemde haer paerden ende verbrande haer waghens,

10

ende keerde omme ter seluer tijt, ende wan Hazor, ende sloech haeren coninck met den swaerde, Want Hazor was te voren van ouden tijden, die hooftstadt van allen desen conincrijcken,)

11

ende sloegen alle die zielen die daer inne waren, met die scharpte des swaerts, ^*) ende en liet niet leuendich, dat den adem hadde, ende verbrande Aazor metten vier,

* the. ende verbandense

12

Daer toe al die ste-[kolom]den, dier rontsomme lagen met haeren coningen wan hi, ende sloechse metter scharpten des swaerts, ende ^* verdedese) soo hem Moyses die knecht des HEEREN gheboden hadde.

* the. verbandese.

13

⁺Sonder dat die kinderen van Israel gheene steden die op hueuelen stonden met vier verbranden, Maer Hazor alleen ^* is vanden vier verbrant)

+ C

* the. verbrande Iosue

14

Ende alle den roof van desen steden ende dat vee deelden die kinderen van Israel onder hen, Maer si sloegen alle die menschen ^* doot), tot dat sise vernielden, ende en lieten daer niet ouer bliuen dat adem hadde,

* the. met de scerpte des sweerts ende verbandense

15

soo die HEERE Moysi sinen knechte, ende Moyses Iosue geboden hadde, so dede Iosue, alsoo datter niet een en ghebrack, aen alle dat ghene, dat die HEERE Moysi gheboden hadde.

16

Aldus nam Iosue alle dit lant op dat geberchte ende alle dat tegen dat zuyden leyt ende alle dat lant Gosen, ende die nedere landen ende blacke velden, ende dat geberchte van Israel met sinen gronden,

17

vanden geberchte aen dat dat lant opwaerts tot Seyr scheidet, tot Baal Gad, inder breyden des berges Libanon onder aen den berch Hermon Alle haer coninghen ghewan hi ende sloechse ende doodese,

18

Maer hi voerde langhen tijt teghen dese coninghen strijt.

19

Maer daer en was geen stadt die haer nyet op en ghaf den kinderen van Israel ⁺ (wt ghnomen die Heuiten die tot Gabaon woonden) maer si wonnense alle met strijde,

+ D

20

Ende dat geschiede alsoo van ^* des HEEREN vonnissen) op dat haer herten verhardt souden worden, den kinderen van Israel met strijde teghen te ghaen, op dat si ^* vallen souden) ende dat hen gheen ghenade en soude gheschieden, maer vernielt souden worden, alsoo die HEERE Moysi geboden hadde.

* thebre. den HEERE

* th. verbant souden worden

21

In dien tijt quam Iosue ende ^* doode) die Enakim vanden gheberchte van Hebron van Dabir, van Anab, van alle den geberchten Iuda, ende van alle den gheberchte van Israel, ende ^* dedese te niet) met haeren steden

* theb. roeyde wt.

* the. verbandese

22

Ende en liet gheenen vanden geslachte Enakim ouer bliuen inden lande der kinderen van Israel, sonder tot Gasa, tot ^* Geth) tot Asoten daer bleuender ouer.

* the. Gath

23

Alsoo nam Iosue alle dat lant inne, In allen manieren, soo die HEERE tot Moysen ghesproken hadde, ende ghafse Israel tot eenen erue, elcken gheslachte zijn deel ende dat lant hielt op te oorloghen.

§ Hier worden vertelt alle dye verslaghene coninghen

[p. n7r]

door die kinderen van Israel, ouer die Iordane .xxxi. int ghetal.