De Vorsterman Bijbel

§ Dat .xxxij. Capittel

1

HOort ghi hemelen dat ic sal spreken, ende die aerde hoore die reden mijns monts.

2

⁺Mijn leere ^* wasse tsamen tot) reghen, ende mijn redene bloeye gelijc den dauwe. Ende gelijc den regen op dat gras, ende gelijc die druppelen op dat cruyt.

+ A

* the. druppe gelijc den

3

Want ic sal den naem des HEREN aenroepen, Geeft onsen God die grote heerlicheit.

4

Volmaect zijn die wercken ^* gods) want alle zijn weghen zijn rechten. Getrouwe is god ende geen quaet en is in hem. Rechtueerdich, ende redelijck is hi.

* thebre. des steens

5

Die verkeerde ende quaden aert heeft tegen hem gesondicht, ende het en zijn zijn kinderen niet om haer onsuyuer vuylicheden wille.

6

Dancte ghi also, betalende den HERE, uwen God, ghi sotte ende onwijse gheslachte? Is hi niet uwe vader, die v beseten heeft? [kolom] ende gemaect, ende gescapen?

7

Ghedenct der voorleden dagen, mercket op die iaren der voorledenen geslachten. Vraghet uwen vadere die salt v vercondigen, uwe ouders die sullent v seggen.

8

Doen die alderhoochste dat volc wt deylde, ende verstroyde der menschen kinderen. Doen sette hi die palen des volcs na dat getal der kinderen van Israel.

9

Want des HEEREN deel is zijn volck, Iacob is dat snoer zijns erfdeels.

10

Hi vant hem in die woestine, in die dorre vereenlijcke plaetse daert huyst, Hi leyde hem om, ende hi leerden hem, hi bescudde hem gelijc sinen oochappel.

11

Gelijc eenen Arent verwect ^* zijn iongen) om te vliegen, ende om zijn iongen sweeft.

Hi breyde zijn vederen wt, ende hi nam hem ende droech hem op zijn ^* scouderen)

* th. sinen nest

* th. vlogelen

12

Die HEERE alleen is zijn leytsman geweest, ende daer en was geen vremde god met hem

13

Hi stelde hem op een hooch lant, om dat hi die vruchten der ackeren eten soude, Ende dat hi soude honich zuyghen wten steenen, ende olye wt den harden steenen.

14

Boter vanden koeyen, ende melc vanden scapen, metten vette vanden lammeren, Ende ^* rammen, der kinderen Basan) ende bocken met vette ^* merch der tarwen) ende gaf hem te drincken dat alder suyuerste druyuen bloet.

* th. vette rammen

* th. nieren ende tarwe

15

⁺Die liefste is vet geworden, ende wederspertelende dick van vetticheden vet ende breet geworden, Ende hi heeft den God laten varen die hem gemaect heeft, ende hi is wech ghegaen van ^* God) die hem die salicheit gegeuen heeft.

+ C

* th. den steen

16

Si hebben hem verwect tot toorne door vremde goden, Ende door die afgrijselicheden hebben si hem tot gramscappen ghecreet

17

Si hebben den veltduyuelen geoffert, ende Gode niet, Den goden die si niet en kenden, die nieuwe ende versch zijn gecomen, Die haer vaderen niet gheeert en hebben.

18

^* Den God) die v gewonnen heeft hebdy verlaten, Ende ghi hebt vergeten den HEERE uwen sceppere.

* th. uwen steen

19

⁺Die HEERE heuet gesien, ende is tot gramscappen verwect, want zijn sonen ende dochteren hebben hem geleetcreet.

+ A

20

Ende hi sprac. Ic sal mijn aensichte van hen verborgen, ic sal sien waert ten laetsten met hen eynde nemen sal, Want het is een verkeert valsch geslachte, ende onghetrouwe kinderen.

21

Si hebben mi verwect aen dat ghene dat God niet en is, ⁺ met haerder ydelheyt heb-

+ Roma. x.d. Iere. xv.c.

[p. m7v]

ben si mi geleetcreet, ende ic salse weder verwecken aen dat ghene dat gheen volc en is, aen een sot volc sal icse leetcreeten.

22

Want tvier is ontsteken door minen toorn, ⁺ ende het sal bernen tot in die onderste helle, ende tsal verslinden tlant met sinen groeysele, ende tsal verbranden die fundamenten der berghen.

+ D

23

Ic sal veelderhande quaden op hen hoopen ic sal alle mijn pijlen aen hen verschieten.

24

Van honger sullen si versmachten, ^* ende de vogelen sullense met bitteren beten verslinden) ic sal der dieren tanden onder hen seynden met rasende verwoetheit der slangen ende gedierten die op die aerde cruypen.

* the. ende verteert worden vander cortse ende van bittere siecten

25

Van buyten salse dat zwaert beroouen, ende van binnen den anxt, beide ioncgelinc ende maechden, die suygelingen metten grijzen oude mannen.

26

Ic sal seggen, waer zijn si? ic sal haer gedachtenis doen ophouden, van onder die menschen

27

Maer ic hebt wt gestelt, om haer weder partien te hooren, dat messcien haer vianden niet en souden hen seluen in houerdie verheffen, ende seggen, Onse hant is hooge, ende die HEERE en heeft dat niet al ghedaen.

28

Want het is een volc sonder raet, ende in hen en is gheen voorsichtige wijsheit.

29

O oft si wijs waren ende verstonden, ende haer wtersten voorsichtelijc aenmercten.

30

Hoe ginc dat toe, dat haerder een duysent van hen luyden veruolchte, ⁺ ende .ij. van hen luyden thien duysent vluchtich macten? Ist niet also, om dat haer ^* god) haer vercocht heeft? Ende die HERE, heeftse ^* besloten.)

+ E

* th. steen

* th. ouer gegheuen

31

Want ons ^* God) en is niet gelijc haer ^* goden) daer af zijn onse vianden selue rechters.

* th. steen

* th. steen

32

Want haeren wijnstoc is vanden wijnstoc van Sodoma, ende vanden acker Gomorra, haer wijndruyue is een galle besie, si hebben bittere wijncorffen.

33

Haeren wijn is der draken galle, ende verwoeder aderen galle, diemen niet genesen en can.

34

Is dit niet bi mi verborgen? ende verzegelt in mine scatten? ⁺

+ Eccl. xiij a Roma. xij d

35

Die wrake hoort mi toe, ic salt betalen tot zijnder tijt, dat haer boeten souden slipperen, want die tijt vander verderffenisse is bi, ende die tijden haesten om te ghenaken.

36

Want die HEERE sal zijn volc rechten, ende ouer zijn knechten sal hi ontfermenisse hebben, Want hi sal aensien dat haer hant haer cracht verloren heeft, ⁺ Ende dat die besloten vergaen zijn, ende die ouerbleuene verteert is.

+ F

37

Ende men sal seggen, waer zijn haer goden? ^* inden welcken) si haer betrouwen hadden.

* the. haeren steen daerop

38

Van wiens offer si vet aten, ⁺ Ende droncken vanden wijn van haeren drancoffer, laetse opstaen ende [kolom] v helpen ende bescudden v in dye nootsakelicheden.

+ Ioan. x.b.

39

Siet nv, dat ict alleen ben, ende dat daer geen God en is sonder mi, ic sal dooden ende leuende maken, Ic sal slaen ende genesen, ende daer en is niemant diet wt mijnder hant trecken can

40

Want ic sal mijn hant inden hemel heffen, ende ic sal seggen, Ic leue eewelic.

41

Als ic mijn zwaert scarp wette, als een blixem, ende mijn hant dat oordeel aenneemt, soo sal ic mi weder wreken aen mijn vianden, ende den genen die mi haten loonen.

42

Ic sal mijn pijlen met bloede droncken maken, ende mijn zwaert sal vleesch verslinden vanden bloede der verslagenen, ende vanden bloede der geuangenen, ende dat des viants hooft ontdeckt sal zijn.

43

⁺Louet ghi heidenen zijn volck, want hi sal dat bloet zijnder knechten wreken, ende hi sal hem wreken aen zijn vianden, ende hi sal ghenadich wesen den lande zijns volcs.

+ G

44

Ende Moyses quam ende sprac alle die woorden dees liedts, voor die ooren des volcs, hi ende Iosue Nuns sone.

45

Ende hi volbracht dese woorden alte samen tot alle Israel,

46

ende hi sprac tot hen. Neemt ter herten alle die woorden de ic v huyden betuyge, dat ghi uwen kinderen beueelt, dat si houden ende doen, alle die woorden van deser wet.

47

Want daer en is niet een woort tot v te vergheefs gheseyt. Maer om dat een yegelijc daer inne soude leuen, ende als ghijt volbrenghet, so sullen uwe dagen lanck ghemaeckt worden, inden lande daer ghi heenen ghaet ouer den Iordaen, om te besitten.

48

Ende die HEERE sprac tot Moysen effen inden seluen daghe, segghende.

49

Gaet op dat gheberchte van Abarim, opten berch Nebo die daer leyt inder Moabiten lant, teghen Iericho ouer, ende besiet dat lant Canaan, dat welcke ic den kinderen van Israel tot een eyghendom gheuen sal, Ende sterft opten berch

50

als ghi daer op ghecomen zijt, ende vergadert v tot uwen volcke, ghelijc als uwe broeder Aaron sterf opten berch Hor, ende hi vergaderde hem aldaer tot sinen volcke.

51

Om dat ghi ouer ghetreden hebt tegen mi onder die kinderen van Israel bi dat twistwater, tot Kades, in die woestine ^* Sin) om dat ghi mi niet en heilichdet onder die kinderen van Israel,

* thebre. zin.

52

Hier suldi dat lant teghen v sien, dat welck ic den kinderen van Israel gheue, maer ghi en sult daer niet in comen.

§ Hoe Moyses tvolc van Israel gebenedijt voor zijn doot ende ghebenedijt elcke geslachte bisondere.